អាហ្វហ្គានីស្ថាន៖ ទីផ្សារនានានៅក្នុងទីក្រុងកាប៊ុល មានប្រជាជនអាហ្វហ្គានីស្ថានដ៏ច្រើនកាលពីថ្ងៃព្រហស្បតិ៍ ដែលភាគច្រើនបានត្អូញត្អែរអំពីតម្លៃទំនិញឡើងខ្ពស់ ក្នុងអំឡុងខែវិសុទ្ធនៃបុណ្យរ៉ាម៉ាដាន។ នៅបណ្តាប្រទេសកាន់សាសនាឥស្លាមផ្សេងទៀត តម្លៃទំនិញកាន់តែចុះទាបក្នុងអំឡុងខែបុណ្យរ៉ាម៉ាដាន ប៉ុន្តែនៅប្រទេសអាហ្វហ្គានីស្ថានគឺផ្ទុយពីនេះ ដែលតម្លៃកើនឡើងខ្ពស់។
ប្រជាជនកំពុងអំពាវនាវឱ្យរដ្ឋាភិបាលក្រុមតាលីបង់ផ្តល់ឱកាសការងារដល់ពួកគេ និងបើកសាលារៀនឡើងវិញសម្រាប់ក្មេងស្រី ជាបញ្ហាដែលសហគមន៍អន្តរជាតិកំពុងទទូចសុំផងដែរ។ ទោះជាយ៉ាងណា គ្មានប្រទេសណាមួយបានទទួលស្គាល់ជាផ្លូវការ នូវរដ្ឋាភិបាលរដ្ឋអេមីរ៉ាតឥស្លាមរបស់ក្រុមតាលីបង់ឡើយ។ ពលរដ្ឋរស់នៅទីក្រុងកាប៊ុល បាននិយាយថា រដ្ឋាភិបាលអេមីរ៉ាតឥស្លាម (ក្រុមតាលីបង់) បានធានាសន្តិសុខរបស់ប្រទេស ប៉ុន្តែបរទេសមិនគាំទ្រប្រទេសអាហ្វហ្គានីស្ថាននោះទេ ហើយដោយសារតែបញ្ហានេះ ប្រជាជនអាហ្វហ្គានីស្ថានទទួលរងភាពក្រីក្រ។ ប្រជាជនម៉ូស្លីមមិនបរិភោគអាហារ និងផឹកទឹកក្នុងអំឡុងពេលថ្ងៃសម្រាប់ខែក្រោយ និងការស្រាយបួសពេលថ្ងៃលិចដោយអាហារត្រូវបានគេហៅថា Iftar។
វិបត្តិសេដ្ឋកិច្ចរបស់ប្រទេសអាហ្វហ្គានីស្ថានបានកើតឡើង ចំពោះប្រជាជនអាហ្វហ្គានីស្ថានភាគច្រើន ហើយម្ចាស់ហាងជាច្រើននិយាយថា ប្រជាជនមិនអាចមានលទ្ធភាពទិញអាហារបានទេ។ ប្រធានប្រចាំប្រទេសរបស់កម្មវិធីស្បៀងអាហារពិភពលោក (WFP) បានអំពាវនាវឱ្យសហគមន៍អន្តរជាតិបង្កើនការគាំទ្ររបស់ខ្លួន សម្រាប់កិច្ចខិតខំប្រឹងប្រែងផ្នែកមនុស្សធម៌នៅក្នុងប្រទេសអាហ្វហ្គានីស្ថាន ដើម្បីជៀសវាងគ្រោះមហន្តរាយមនុស្សធម៌នៅក្នុងតំបន់៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
