ឥណ្ឌា ៖ ប្រទេសឥណ្ឌាបានមើលឃើញការកើនឡើងករណីទាក់ទងនឹងជំងឺCovid និងជំងឺគ្រុនផ្តាសាយធំ ក្នុង​ប៉ុន្មាន​សប្តាហ៍ថ្មីៗនេះ ប៉ុន្តែទោះយ៉ាងណាវេជ្ជបណ្ឌិតកាលពីថ្ងៃសុក្រ បាននិយាយថា ពុំចាំបាច់ភ័យស្លន់ស្លោនោះទេ ខណៈអត្រាចូលសម្រាកនៅមន្ទីរពេទ្យនៅមានកម្រិតទាបនៅឡើយ។

រដ្ឋាភិបាលសហព័ន្ធបានបញ្ជាឱ្យធ្វើការហ្វឹកហាត់ជាគំរូនៅតាមមន្ទីរពេទ្យទូទាំងប្រទេស ដើម្បីធ្វើតេស្ត​ការ​ត្រៀម​លក្ខណៈជាមុនជំងឺ COVID ខណៈប្រទេសឥណ្ឌាបានកត់ត្រាករណីជំងឺ COVID ចំនួន ១,៣០០ករណី កាលពី​ថ្ងៃព្រហស្បតិ៍ ទី២៣ ខែមីនា ជាចំនួនច្រើនបំផុតក្នុងរយៈពេល ១៤០ ថ្ងៃ។

ប្រធានវិទ្យាស្ថានផ្នែកជំងឺផ្លូវដង្ហើម និងវេជ្ជសាស្ត្រផ្ទៃក្នុងបាននិយាយថា ដរាបណាករណី​ឆ្លងវីរុស​ទាំងនេះ​មិនបង្ក​ឱ្យមានការកើនឡើងខ្លាំងក្នុងការចូលព្យាបាលមន្ទីរពេទ្យ និងមានអ្នកស្លាប់ច្រើន លោកគិត​ថាយើង​គ្រាន់ចាំបាច់​ត្រូវ​មានកម្មវិធីតាមដានល្អនៅនឹងកន្លែង ការត្រួតពិនិត្យឱ្យបានល្អ ប្រជាជនគួរតែអនុវត្តតាមឥរិយាបថសមស្របនៃជំងឺ COVID។ រដ្ឋចំនួនប្រាំបីរបស់ប្រទេសឥណ្ឌាជាកន្លែងដែលមានករណីឆ្លងវីរុស COVID-19 ច្រើនកំពុងត្រូវ​បានរាយការណ៍នាពេលបច្ចុប្បន្ន។