កីឡា ៖ យោងតាមសេចក្តីជូនដំណឹងរបស់ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣(CAMSOC-CAMAPGOC) បានឱ្យដឹងថា ដើម្បីអបអរសាទរមហាព្រឹត្តិការណ៍ជាប្រវត្តិសាស្ត្រ ដែលកម្ពុជាធ្វើម្ចាស់ផ្ទះកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ក្រោមប្រធានបទ “កីឡារស់ក្នុងសន្តិភាព” និងដើម្បីផ្សព្វផ្សាយ ក៏ដូចជាលើកស្ទួយផលិតផល និងម្ហូបអាហារខ្មែរលើឆាកអន្តរជាតិឱ្យបានកាន់តែទូលំទូលាយ CAMSCO-CAMAPGOG និងផ្នែកឯកជន នឹងរៀបចំការតាំងពិព័រណ៍ផលិតផលខ្មែរ និងម្ហូបអាហារ ក្នុងព្រឹត្តិការណ៍ជាប្រវត្តិសាស្ត្រនេះ ក្នុងបរិវេណពហុកីឡដ្ឋានជាតិមរតកតេជោ។

សេចក្តីជូនដំណឹងឱ្យដឹងបន្ថែមទៀតថា ការតាំងពិព័រណ៍នេះ ចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ និងពីថ្ងៃទី០៣ ដល់ថ្ងៃទី៩ ខែមិថុនា ឆ្នាំ២០២៣៕