ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ​បានមានប្រសាសន៍ថា ដើម្បីលើក​កម្ពស់វិស័យ វិទ្យាសាស្ត្របច្ចេកវិទ្យានិងរវាងុវត្តន៍ ​សម្ដេច បានលើកទឹកចិត្ត ផ្ដល់អាទិភាពខ្ពស់​ដោយការអភិវឌ្ឍមូលធនមនុស្ស ជាពិសេសសម្តេច បានលើកទឹកចិត្តឱ្យយុវជនខ្មែរជំនាន់ ក្រោយជ្រើសរើសយកមុខជំនាញSTEM ដើម្បីឈានការទៅការអភិវឌ្ឍ ​ខាងវិស័យវិទ្យាសាស្ត្រ បច្ចេកវិទ្យារបស់ប្រទេសកម្ពុជា ឱ្យរីកចម្រើនតទៅមុខទៀត។

សម្តេចតេជោ បានផ្តល់អនុសាសន៍ ជាពិសេសសម្រាប់យុវជនជំនាន់ក្រោយបែបនេះ ក្នុង​ឱកាស​អញ្ជើញជាអធិបតីដ៏ខ្ពង់ខ្ពស់ពិធីបើក ​ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ និង​ការបើកសម្ពោធពិព័រណ៍​វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា អន្តរជាតិលើកទី១ ឆ្នាំ២០២៣។

សូមបញ្ជាក់ថា ពិព័រណ៍​វិទ្យាសាស្ត្រ បច្ចេកវិទ្យានិងនវានុវត្តន៍កម្ពុជាអន្តរជាតិលើកទី១ ឆ្នាំ២០២៣ ដែលរៀបចំដោយក្រសួងឧស្សាហកម្មវិទ្យាសាស្ត្របច្ចេកវិទ្យា និងលោកនាអនុវត្តន៍កម្ពុជា ជាលើកដំបូងនេះ នឹងប្រារព្ធក្នុងរយៈពេល៣ថ្ងៃ គឺចាប់ពីថ្ងៃទី២៦រហូតដល់ថ្ងៃទី២៨ខែមីនា នៅមជ្ឈមណ្ឌលសន្និបាតនិងពិព័រណ៍កោះពេជ្រ។

ព្រឹត្តិការណ៍ថ្នាក់ជាតិរយៈពេលបីថ្ងៃនេះ​ រំពឹងទុកថា ​នឹងទាក់ទាញអ្នកចូលរួម ទស្សនា រហូតជាង ៥០,០០០នាក់ ​ជាមួយនឹងការសិក្សាបន្ថែមពាក់ព័ន្ធវិទ្យាសាស្ត្របែប អន្តរ កម្ម និងសប្បាយ ដើម្បីជំរុញឲ្យមានចំណាប់ អារម្មណ៍លើវិទ្យាសាស្ត្រក្នុង ចំណោម កុមារ និងយុវជនកម្ពុជា៕