អ្នកជំនាញជំងឺផ្លូវដង្ហើមឈានមុខរបស់ចិន បាននិយាយថា សមត្ថភាពឱសថចិន ពិតជាបានមានភាពប្រសើរខ្លាំង បន្ទាប់ពីបានទប់ស្កាត់ការផ្ទុះឡើងជំងឺCOVID-19 បានប្រកបជោគជ័យ។

លោក តុង ហ្សាវហុយ អនុប្រធានមន្ទីពេទ្យ ចាវយ៉ាំង ក្រុងប៉េកាំង និងសាកលវិទ្យាល័យ វេជ្ជសាស្ត្ររដ្ឋធានី ​ធ្លាប់ជាមនុស្សម្នាក់ក្នុងចំណោមអ្នកជំនាញខាងវេជ្ជសាស្ត្រដំបូងគេបំផុត ត្រូវបានគេបញ្ជូន​ឲ្យទៅជួយក្រុងអ៊ូហាន ​ជាចំណុចកណ្ដាលនៃការផ្ទុះជំងឺCOVID-19 កាលពី៣ឆ្នាំកន្លងទៅ ។

លោក តុង បាននិយាយថា សូម្បីតែមេរោគប្រភេទថ្មីឆ្លងយ៉ាងម៉េចក៏លោក​មិនបានដឹងដែរ​នៅពេលនោះ។ ប៉ុន្ដែបន្ទាប់ពីបានដឹងការបង្ហាញតាមគ្លីនិកពីជំងឺ COVID-19 មក លោក បានប្រជែងនឹងពេលវេលា ​ដើម្បីជួយអ្នកជំងឺជាសះស្បើយឡើងវិញ។

លោក តុង បាននិយាយថា ជំងឺនេះ លោកបានចំណាយពេលត្រឹមតែ២សប្ដាហ៍​ប៉ុណ្ណោះ ដើម្បី​ព្យាបាល ព្រោះវាជាបាតុភូតវីរុស ជាអ្វីមួយ​ ដែលយើងតែងតែ ​បានឃើញរួចមកហើយ។

ជាមួយនឹងបទពិសោធន៍​នៃការព្យាបាលជំងឺសារ (SARS)ធ្ងន់ធ្ងរ ​ក្នុងឆ្នាំ២០០២នោះ លោក បានដឹកនាំ​ក្រុមរបស់លោក ​ធ្វើដំណើរពីក្រុងមួយ​ ទៅក្រុងមួយ ដើម្បីចែករំលែក​បទពិសោធន៍​របស់លោក ទៅឲ្យគ្រូពេ្យរួមអាជីពជាមួយគ្នា។

លោក បាននិយាយថា កម្រិតជំនាញរបស់​បុគ្គលិក​ពេទ្យ ជាទូទៅ ​បានធ្វើឲ្យប្រសើរឡើង។ដូច្នេះ មាន​បុគ្គលិកពេទ្យជាច្រើននាក់ត្រូវបានបញ្ជូនទៅក្រុងអ៊ូហាន ​ដើម្បីព្យាបាល​ ករណីធ្ងន់ធ្ងរ និង​អ្នកជំងឺ​កម្រឹត​ធ្ងន់ ​ហើយយើង​មាន​ការផ្លាស់ប្ដូរ​បទពិសោធន៍ល្អៗ​ និង​ជួយគ្នា​ទៅវិញទៅមក ដើម្បី​ឲ្យមានភាពប្រសើរឡើង៕អត្ថបទ មករា