កងទ័ពអ៊ុយក្រែន នៅទីតាំងកាំភ្លើងធំមួយកន្លែងនៅឯ​ព្រៃស្រល់​ពណ៌ខៀវស្រងាត់ មួយជិតក្រុងក្រេមីណា ក្នុងតំបន់លូហាន ភាគខាងកើត បានបាញ់គ្រាប់កាំភ្លើងធំ 155mm(មីលីម៉ែត) ពីកាំភ្លើងផ្លោងធន TRF-1របស់បារាំង ឆ្ពោះទៅផ្លូវ Highway មួយដែលប្រើប្រាស់ជាផ្លូវ​ផ្គត់ផ្គង់​សំរាប់​ក្រុងក្រេមីណា​ ដែលកាន់កាប់ដោយរុស្ស៊ី។

នៅពេលមានបទបញ្ជា ដែលមានការសម្របសម្រួលចូលមក ក្រុមទាហាន បានរត់ទៅកាន់ទីតាំង​របស់ពួគេ ​នៅជុំវិញកាំភ្លើងធំ និងបានយកក្រណាត់គ្របចេញ ​និងបានតម្រង់ និងបានច្រកគ្រាប់​បាញ់ភ្លាមៗ។ បន្ទាប់ពីបាញ់បាន ៣គ្រាប់មក គេបានបន្ទាបកាណុងកាំភ្លើងចុះ ហើយបានយក​ក្រណាត់គ្រប រួចក្រុមទាហាន បានត្រឡប់ទៅកាន់លេណដ្ឋាន ក្នុងព្រៃវិញ ដើម្បីរងចាំបទ​បញ្ជារបន្ដទៀត។

កងទ័ពរុស្ស៊ី បានវាយប្រហារ នៅភាគខាងជើង និងខាងត្បូង ដែលលាតសន្ធឹងពីសមរភូមិ នៅភាគខាងកើតអ៊ុយក្រែន កាលពីថ្ងៃសុក្រ ដោយបង្កើនការវាយលុករបស់ពួកគេ ទោះបីជា​មាន​ការអះអាងពីក្រុងគីវថា ការវាយប្រហារបស់ក្រុងម៉ូស្គូ បានត្រឹមកន្លែង​ដោតទង់ជាតិជិត​ក្រុង​បាក់មុត ប៉ុណ្ណោះ។

ខណៈ​រដូវរងា​ឈាន​ចូលទៅសរទរដូវនោះ ​សំណួរសំខាន់ នៅក្នុងប្រទេសអ៊ុយក្រែនថា តើរុស្ស៊ីអាចបន្ដការវាយលុកទ្រង់ទ្រាយធំរបស់ខ្លួនបានប៉ុន្មានទៀត? និងនៅពេលណា? ឬអ៊ុយក្រែន អាចវាយបកទៅវិញ នៅពេលឥឡូវនេះ ​តាមផែនការដែលបានគ្រោងទុកឬទេ?

អត្ថបទ មករា (Makara)