ក្រុមសង្រ្គោះបានកកាយរុករកនៅតាមគំនរបាក់បែកកាលពីថ្ងៃសៅរ៍ បន្ទាប់ពីព្យុះដ៏មានឥទ្ធិពលខ្លាំង បានបក់កាត់រដ្ឋមីស៊ីសស៊ីបពីនៅពេលយប់ ដោយបានសម្លាប់មនុស្សយ៉ាងហោចណាស់២៥នាក់ និងមនុស្សម្នាក់ទៀត នៅរដ្ឋអាឡាបាម៉ា និងបានធ្វើឲ្យអគាររាប់រយខ្នងដួលរលំ និងយ៉ាងហោចណាស់កំពុងបង្កើតជាព្យុះកួចដែលបង្កឲ្យមានព្យុះកួចដ៏កំណាចមួយមេទៀត។

ក្រុងស៊ីលវើរ (Silver City)ជាក្រុងតូចមួយមានលំនៅស្ថានប្រមាណជា៣០០ខ្នង ដែលអ្នកស្រុកបានសំងំនៅតែក្នុងបន្ទប់ និងរហូតដល់ខ្លាចពេកចូលក្នុងអាងងូតទឹក ខណៈព្យុះបោកបក់ឆ្លងកាត់។

អភិបាលរដ្ឋលោក តេត រីវ បានធ្វើដំណើរទៅក្រុង Silver City កាលពីថ្ងៃសៅរ៍ នឹងបានប្រកាសដាក់រដ្ឋក្នុងគ្រាមានអាសន្ន នៅក្នុងតំបន់រងគ្រោះ។

យោងតាមការិយាល័យតម្រួតតំបន់ Morgan County បានឲ្យដឹងថា ក្នុងរដ្ឋអាឡាបាម៉ា ដែលប្រព័ន្ធ​ព្យុះបានវាយប្រហាដូចគ្នាដែរនោះ ក្រុមសង្រ្គោះបានទាញបុរសម្នាក់ចេញពីភក់នៅចំពេលដែល​រថយន្ដសណ្ដោងរបស់គេបានក្រឡាប់ប៉ុន្ដែបុរសនោះ បានស្លាប់ទៅហើយដោយសារតែរបួសធ្ងន់ធ្ងរ។

ប្រធានាធិបតីអាមេរិក លោក Joe Biden បានហៅទិដ្ឋភាពចេញពីរដ្ឋមីស៊ីស៊ីបពីថា ជាទិដ្ឋភាពដ៏រន្ធត់ ដោយបានបញ្ជាក់នៅក្នុងសេចក្តីថ្លែងការណ៍ថា ​លោកបាននិយាយជាមួយអភិបាលរដ្ឋ លោករីវ (Reeve) និងបានចូលរួមរំលែកទុក្ខរបស់​លោកជាមួយគ្រួសាររងគ្រោះ និងបានផ្ដល់ការគាំទ្រ​ពី​រដ្ឋសហព័ន្ធពេញលេញ ​នៅក្នុងការស្ដាររដ្ឋនេះឡើងវិញ៕ អត្ថបទ មករា