​អាមេរិក៖ អ្នក​រៀបចំ​គោលនយោបាយ​របស់​ធនាគារ​កណ្តាល​អាមេរិក បាន​និយាយ​កាលពី​ថ្ងៃ​អាទិត្យ​ថា ភាព​តានតឹង​នៅ​ក្នុង​វិស័យ​ធនាគារ​កំពុង​ត្រូវ​បាន​ត្រួតពិនិត្យ​យ៉ាង​ដិតដល់ ​ចំពោះ​សក្ដានុពល​របស់​ខ្លួន​ក្នុង​ការ​បង្ក​ឱ្យ​មាន​វិបត្តិ​ឥណទាន​។

​ក្រុម​អាជ្ញាធរ​នៅ​ទូទាំង​ពិភពលោក​កំពុង​បង្កើន​ការប្រុងប្រយ័ត្ន​ខ្ពស់ ​សម្រាប់​ការ​ធ្លាក់​ចុះ​ដោយសារ​ភាព​វឹកវរ​នា​ពេល​ថ្មីៗ​នៅ​ធនាគារ​ដែល​ទើប​ដួល​រលំ Silicon Valley Bank (SVB) និង​ធនាគារ Signature Bank នៅ​ក្នុង​សហរដ្ឋអាមេរិក និង​បាន​ជួយសង្គ្រោះ​កាល​ពី​មួយ​សប្ដាហ៍​មុន​នៃ​ធនាគារ Credit Suisse​។​ សប្តាហ៍​មុន​បាន​បញ្ចប់​ជាមួយ​នឹង​សូចនាករ​នានា​នៃ​ភាព​តានតឹង​ទីផ្សារ​ហិរញ្ញវត្ថុ​ដែល​បង្ហាញ​ចេញ​។ ប្រាក់​អឺរ៉ូ​បាន​ធ្លាក់​ចុះ​ធៀប​នឹង​ប្រាក់​ដុល្លារ ទិន្នផល​មូលបត្រ​បំណុល​រដ្ឋាភិបាល​តំបន់​ចាយ​ប្រាក់​អឺរ៉ូ​បាន​ធ្លាក់​ចុះ ហើយ​ការ​ចំណាយ​លើ​ការធានារ៉ាប់រង​ប្រឆាំង​នឹង​ការ​ខកខាន​របស់​ធនាគារ​បាន​កើន​ឡើង បើ​ទោះ​បី​ជា​មានការ​ធានា​ពី​ក្រុម​អ្នក​រៀបចំ​គោលនយោបាយ​ក៏ដោយ​។​

​នៅ​ក្នុង​កិច្ច​ខិតខំ​ប្រឹងប្រែង​ចុងក្រោយ​បំផុតដើម្បី​ធ្វើ​ឲ្យ​ក្រុម​វិនិយោគិន​ស្ងប់ចិត្ត រតនាគារ​សហរដ្ឋ​អាមេរិក​បាន​និយាយ​កាលពី​ថ្ងៃ​ព្រហស្បតិ៍​ថា ក្រុមប្រឹក្សា​ត្រួតពិនិត្យ​ស្ថិរភាព​ហិរញ្ញវត្ថុ​របស់​សហរដ្ឋ​អាមេរិក​បាន​ព្រមព្រៀងគ្នា​ថា ប្រព័ន្ធ​ធនាគារ​អាមេរិក​មាន​ធូរស្រាល និង​ធានា​បាន៕

អត្ថបទ៖ សុខមាន