MC៖ប្រធានមន្ទីរសុខាភិបាលខេត្តតាកែវ លោកវិជ្ជបណ្ឌិត នុត ស៊ីណាត បានថ្លែងឲ្យដឹងថា រហូតមកដល់ពេលនេះមន្រ្តីជំនាញសុខាភិបាលបានរកឃើញ

បងប្អូនកម្មករខ្មែរនិងអ្នកធ្វើការជាជនជាតិ​នៅ​រោងចក្រ​ដេកាបូប PV ដែលមានទីតាំង​​នៅក្នុង​​​ឃុំឃ្លាំងសម្បត្តិ ស្រុកបាទី ខេត្តតាកែវ ចំនួន១២នាក់​ហើយដែលផ្ទុកជំងឺកូវីដ១៩។​

លោកប្រធានមន្ទីរសុខាភិបាលខេត្តតាកែវបានបន្តថា ចំពោះរោងចក្រដេកាបូបPV រហូតមកដល់ពេលនេះមានកម្មករខ្មែរនិង​អ្នកធ្វើការជាជនជាតិ​ចិន​ចំនួន១២​នាក់ត្រូវបានរកឃើញផ្ទុកជំងឺកូវីដ១៩និងកម្មករខ្មែរម្នាក់ទៀតដែលបំរើការនៅរោងចក្រផ្សេងក៍ត្រូវបានរកឃើញ​មាន​ផ្ទុកជំងឺកូវីដ​១៩ផង​ដែរ។ លោកវិជ្ជបណ្ឌិតបន្ថែមថា បច្ចប្បន្ននេះមន្រ្តីជំនាញសុខាភិបាលបានយកសំណាក់កម្មករជាង២រយនាក់ហើយទៅធ្វើតេស្តរកជំងឺកូវីដ១៩ ហើយនិងបន្តតាមយកសំណាកបងប្អូនកម្មករមួយចំនួនទៀតផងដែរ​។ ដោយឡែកយើងក៍បានណែនាំដល់បងប្អូនកម្មករដែលយកសំណាកហើយត្រូវធ្វើចត្តាឡីស័កអោយបានត្រឹមត្រូវទៅតាមការណែនាំរបស់មន្រ្តីសុខាភិបាល ហើយអាជ្ញាធមូលដ្ឋានក៍និងតាមដានការធ្វើចត្តាឡីស័ករបស់បងប្អូនកម្មករផងដែរ។

លោក ម៉ឹង វីរីយ៉ា ប្រធានមន្ទីរការងារនិងបណ្ដុះបណ្ដាលវិជ្ជាជីវៈខេត្តតាកែវបានឲ្យដឹងថា រហូតមកដល់ពេលនេះមាន​រោងចក្រចំនួន៤ហើយ​ដែលត្រូវបាន​បិទបណ្ដោះអាសន្នដោយសារតែមានការជាប់ពាក់ព័ន្ធនិងជំងឺកូវីដ១៩ ដោយក្នុងនោះរោងចក្រចំនួន២បានបិទដោយ​ខ្លួន​ឯង​​និង២ទៀតត្រូវបានអាជ្ញាធ​ស្នើអោយបិទបណ្ដោះអាសន្ន ហើយរោងចក្រខ្លះនិងបើកដំណើរវិញនៅថ្ងៃ៣ខែឧសភាខាងមុខនេះ៕អត្ថបទ ៖គុជ វិភាគ