កោះតៃវ៉ាន់៖ អតីតមេដឹកនាំកោះតៃវ៉ាន់ លោក ម៉ា យីងចូវ បានធ្វើដំណើរទៅប្រទេសចិនកាលពីថ្ងៃចន្ទនៅក្នុងដំណើរជាប្រវត្ដិសាស្ដ្រ ដោយលោកបាននិយាយថា លោកសង្ឃឹមថានឹងយកសន្ដិភាព និងការធ្វើឲ្យទំនាក់ទំនងប្រសើរឡើងវិញតាមរយៈអន្តរកម្មនៃយុវជនជំនាន់ក្រោយ។
ថ្លែងទៅកាន់អ្នកសារព័ត៌មាននៅឯអាកាសយានដ្ឋានអន្ដរជាតិដ៏សំខាន់មួយរបស់កោះតៃវ៉ាន់ លោក ម៉ា យីងចូវ វ័យ ៧៣ឆ្នាំរូបនេះបាននិយាយថា លោកមានការសប្បាយរីករាយនៅក្នុងការបន្ដដំណើរទៅកន្លែង ដែលលោកនឹងពិភាក្សាជាមួយនិស្សិត និងសម្តែងការគោរពចំពោះផ្នូរសពជីដូនជីតារបស់លោកក្នុងប្រទេសចិន។ លោក ម៉ា នៅឯអាកាសយានដ្ឋានបានជួបទាំងអ្នកគាំទ្រផង និងបាតុករដែលខឹងសម្បារផង មកពីក្រុមគាំទ្រឯករាជ្យនៃការិយាល័យកោះតៃវ៉ាន់ ដែលត្រូវបានគេអនុញ្ញាតអោយចូល ដើម្បីបង្ហាញបដារបស់ពួកគេនៅក្នុងអាកាសយានដ្ឋានរយៈពេលខ្លី មុនត្រូវបាននគរបាលរុញពួកគេចេញក្រៅ។
ដំណើររបស់លោកនេះបានធ្វើឡើងចំពេលភាពតានតឹងកំពុងឡើងកំដៅរវាងក្រុងប៉េកាំង និងក្រុងតៃប៉ិ ខណៈចិននៅតែរក្សាដាក់សំពាធទាំងយោធា និងនយោបាយ ដើម្បីព្យាយាមធ្វើឲ្យកោះតៃវ៉ាន់ស្វ័យគ្រប់គ្រងមួយនេះ ដែលកាន់របបប្រជាធិបតេយ្យទទួលយកអធិបតេយ្យភាពរបស់ចិន៕
អត្ថបទ៖ មករា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
