​អាមេរិក៖ ក្រុម​និយ័ត​ករ​អាមេរិក​បាន​និយាយ​កាលពី​ថ្ងៃ​ចន្ទ​ថា ពួកគេ​នឹង​គាំទ្រ​កិច្ចព្រមព្រៀង​សម្រាប់​ភាគហ៊ុន​ធនាគារ​ផ្ដល់​ប្រាក់កម្ចី​ក្នុងស្រុក First Citizens Bank Shares FCNCA.O ដើម្បី​ទទួល​យក​ធនាគារ Silicon Valley Bank ដែល​បាន​ក្ស័យធនបណ្ដាល​ឲ្យ​ប៉ះពាល់​ដល់​ប្រាក់​ប្រមាណ​ ២០​ពាន់​លាន​ដុល្លារ​អាមេរិក​ដល់​មូលនិធិ​ធានារ៉ាប់រង​គ្រប់គ្រង​ដោយ​រដ្ឋាភិបាល​។

​កិច្ចព្រមព្រៀង​នេះ​បាន​កើត​មាន​ឡើង បន្ទាប់ពី​សាជីវកម្ម​ធានារ៉ាប់រង​ប្រាក់​បញ្ញើ​សហព័ន្ធ (FDIC) បាន​គ្រប់គ្រង​ធនាគារ Silicon Valley Bank កាលពី​ថ្ងៃទី​១០​មីនា ក្រោយ​ម្ចាស់​ប្រាក់​បញ្ញើ​សម្រុក​ដក​ប្រាក់​របស់​ពួកគេ​អស់ពី​ធនាគារ ​ដែល​បណ្ដាល​ឲ្យ​ធនាគារ Signature Bank SBNY.O ដួល​រលំ​ដែរ និង​បាន​ប៉ះពាល់​ដល់​តម្លៃ​ទីផ្សារ​ជាង​ពាក់កណ្ដាល​ នៃ​ធនាគារ​ផ្ដល់​ប្រាក់​កម្ចី​ក្នុងស្រុក​មួយ​ចំនួន​របស់​សហរដ្ឋអាមេរិក​។

​នាយក​ប្រតិបត្តិ Frank Holding បាន​ប្រាប់​ក្រុម​វិនិយោគិន​នៅ​ក្នុង​សន្និសីទ​មួយ​កាលពី​ថ្ងៃ​ចន្ទ​ថា កិច្ច​ព្រម​ព្រៀង​នេះ​គឺជា​ឱកាស​សម្រាប់​ធនាគារ First Citizens។ យើង​ជឿ​ថា ប្រតិបត្តិការ​នេះ​គឺជា​លទ្ធ​ផល​ដ៏​ល្អ​ប្រសើរ​សម្រាប់​អ្នក​ដាក់​ប្រាក់​បញ្ញើ​។ ​យោង​តាម​ការ​កត់​សម្គាល់​របស់​ធនាគារ​វិនិយោគ Piper Sandler កាលពី​ថ្ងៃ​ចន្ទ ធនាគារ​ផ្តល់​ប្រាក់​កម្ចី Raleigh ដែល​មាន​មូលដ្ឋាន​នៅ​រដ្ឋ North Carolina បាន​បញ្ចប់​កិច្ចព្រមព្រៀង​ដែល​ផ្តល់​ជំនួយ​ដោយ​រដ្ឋាភិបាល​ចំនួន​ ២១ ​រួម​ទាំង​កិច្ចព្រមព្រៀង​ចំនួន​ ១៤ ចាប់​តាំង​ពី​ឆ្នាំ​២០០៩ នៅ​ពេល​ដែល​អគ្គនាយក​ធនាគារ First Citizens លោក Frank Holding នៅ​ជា​ប្រធាន៕

អត្ថបទ៖ សុខមាន