ភ្នំពេញ៖ លោក ស៊ូ ស៊ីងមីង អតីតអគ្គលេខាធិការ នៃគណៈកម្មការជាតិរបស់អង្គប្រជុំនយោបាយ នៃសាធារណៈរដ្ឋ ប្រជាមានិតចិន អះអាងថា គណបក្សកុម្មុយនីស្តចិន នៅតែបន្តពង្រឹងកិច្ច សហប្រត្តិបត្តិការទ្វេភាគីជាមួយគណបក្សហ៊្វុនស៊ិនប៉ិច បើទោះណាគណបក្សនេះ ពុំមានសំឡេងក្នុងរដ្ឋសភាក៏ដោយ។

ការលើកឡើងរបស់មន្រ្តីបក្សកុម្មុនីយស្តចិនរូបនេះ គឺបានធ្វើឡើងនៅកិច្ចជំនួបជាមួយព្រះអង្គម្ចាស់ នរោត្តម ចក្រាវុធ ព្រះប្រធានគណ បក្សហ៊ុនស៊ិនប៉ិច នាព្រឹកថ្ងៃទី២៨ ខែមីនា ឆ្នាំ២០២៣នេះ នៅស្នាក់ការកណ្តាលគណបក្សហ៊្វុនស៊ិនប៉ិច ។

លោក ញៀន រ៉ាដែន អ្នកនាំពាក្យគណបក្សហ៊្វុនស៊ិនប៉ិច លើកឡើងថា ភាគីទាំងពីរបានពិភាក្សាគ្នា​ជាច្រើនទាក់ទងកិច្ចសហប្រតិបត្តិការទ្វេភាគីរវាងគណបក្សហ៊្វុនស៊ិនប៉ិច និងគណបក្ស​កុម្មុយនីស្ត​ចិន ខណៈគណបក្សទាំងពីរនេះ គឺបានរឹតចំណងមិត្តភាពរវាងគ្នានិងគ្នាតាំងពីយូរណាស់​មកហើយ។

លោក ស៊ូ ស៊ីងមីង អះអាងថា បក្សកុម្មុយនីស្តចិន នឹងបន្តជួយបណ្តុះបណ្តាលដល់យុវជនរបស់ គណបក្សហ៊្វុនស៊ិនប៉ិចបន្តទៀតទាំងខាងបច្ចេកទេស​ និងនយោបាយ រួមទាំងជំនាញជាច្រើន​ទៀតផងដែរ។

ព្រះអង្គម្ចាស់នរោត្តម ចក្រាវុធ ថ្លែងអំណរអគុណដល់ប្រជាជន និងរដ្ឋាភិបាលចិន​ដែលបានជួយ​ដល់កម្ពុជា​ទាំងពេលកន្លងទៅ ​បច្ចុប្បន្ន និងអនាគត ​ហើយព្រះអង្គរំពឹងថា​ ចិននឹងបន្តគាំទ្រ និង​ជួយអភិវឌ្ឍន៍​ដល់ប្រទេសកម្ពុជានេះ ជារៀងរហូតតាមរយៈរាជរដ្ឋាភិបាលបច្ចុប្បន្ន។

ព្រះអង្គម្ចាស់នរោត្តម ចក្រា វុធ ​បានមាន​បន្ទូលទៀតថា ក្នុងនាមព្រះអង្គជាអ្នកដឹកនាំគណបក្ស​ហ៊្វុនស៊ិនប៉ិច​ជំនាន់ក្រោយ ព្រះអង្គ នឹងខិតខំធ្វើយ៉ាងណាពង្រឹងកិច្ចសហប្រតិបត្តិការទ្វេភាគី​ជាមួយ​គណបក្សកុម្មុយនីស្តបន្តទៀតមិនថា កាលៈទេសៈណានោះឡើយ ​ហើយព្រះអង្គក៏ថ្លែង​អំណរគុណ​ដល់ភាគី ចិនដែលបានសន្យាបន្តជួយបណ្តុះបណ្តាលដល់យុវជន​គណបក្សហ៊្វុនស៊ិនប៉ិច​បន្តទៀត​នោះផងដែរ៕អត្ថបទបាន ចក់