​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​បាន​និយាយ​ថា ទាហាន​រុស្ស៊ី​កំពុង​ចាប់​យក​រោងចក្រ​ថាមពល​នុយក្លេអ៊ែរ Zaporizhzhia ជា​ចំណាប់ខ្មាំង ហើយ​យុទ្ធសាស្ត្រ​របស់ខ្លួន​មិនអាច​ទទួលបាន​ការធានា​បានឡើយ ​លុះត្រាតែ​ពួកគេ​ចាកចេញ ខណៈដែល​កងកម្លាំងរ​បស់​លោក​បាន​បិទ​ខ្សែត្រៀម​ជួរមុខ​ទីប្រជុំជន Avdiivka ស្របពេល​ពួកគេ​គ្រោង​បើក​ការវាយលុក​ជំហាន​បន្ទាប់​។

​ទាហាន​រុស្ស៊ី​បាន​គ្រប់គ្រង​រោងចក្រ​ថាមពល​នុយក្លេអ៊ែរ ដែលជា​រោងចក្រ​ធំ​បំផុត​របស់​អឺរ៉ុប​ចាប់​តាំង​ពី​ប៉ុន្មាន​សប្ដាហ៍​នៃ​ការវាយលុក​ចូល​អ៊ុយ​ក្រែ​ន និង​ពុំបាន​បង្ហាញ​សូចនាករ​ណាមួយ​ក្នុង​ការ​បោះបង់​ចោលការ​គ្រប់គ្រង​ដែនដី​នេះ​ទេ។ លោក Volodymyr Zelenskyy បាន​និយាយ​នៅក្នុង​សុន្ទរកថា​តាម​វីដេអូ​ពេលយប់​ថា ការ​ចាប់​យក​រោងចក្រ​នេះ​ជា​ចំណាប់ខ្មាំង​លើស​ពី​មួយឆ្នាំ គឺ​ប្រាកដ​ណាស់​ថា​ជា​រឿង​អាក្រក់​បំផុត​ដែល​មិន​ធ្លាប់​កើតមាន​ ក្នុង​ប្រវត្តិសាស្ត្រ​របស់​អឺរ៉ុប ឬមហាអំណាច​នុយក្លេអ៊ែរ​ទូទាំង​ពិភពលោក​។

​ការ​លើក​ឡើង​របស់​លោក​កើតមានឡើង​ ក្រោយ​ជំនួប​កាលពី​ថ្ងៃ​ចន្ទ​ជាមួយ​លោក Rafael Grossi ប្រធាន​ទីភ្នាក់ងារ​ថាមពល​អា​តូ​មិ​ក​អន្តរជាតិ (IAEA)។​ លោក​ទាំង​២ ​បាន​ជួប​គ្នា​នៅ​ស្ថានីយ​​ថាមពល​វា​រី​អគ្គិសនី Dnipro ភាគ​ឦសាន​នៃ​រោងចក្រ Zaporizhzhia៕

អត្ថបទ៖ សុខមាន