ទូតថ្មីអូស្ត្រាលី សន្យាបន្តសហប្រតិបត្តិការជាមួយកម្ពុជាទាំងក្របខណ្ឌតំបន់ និងពិភពលោក

2023/03/28 05:38:49 pm        352

​ភ្នំពេញ៖ ឯកឧត្តម Justin Whyatt ឯកអគ្គរាជទូតវិសាមញ្ញ និងពេញសមត្ថភាពថ្មី នៃប្រទេសអូស្រ្តាលី ប្រចាំនៅកម្ពុជា បានសន្យាបន្តអនុវត្តនូវកិច្ចសហប្រតិបត្តិការជាមួយប្រទេសកម្ពុជា ទាំងនៅក្នុងក្របខណ្ឌតំបន់ និងសកលលោក ដែលភាគីបានធ្វើរួមគ្នា ជាច្រើនឆ្នាំមកហើយ។

ក្នុងជំនួបជាមួយឯកឧត្ដមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី២៨ ខែមីនា ឆ្នាំ២០២៣ ឯកឧត្តម Justin Whyatt បានថ្លែងថា ចំណងទំនាក់ទំនងការទូតរវាងកម្ពុជា-អូស្រ្តាលី មានរយៈពេលជាយូរណាស់មកហើយ ហើយក្នុងបេសកកម្មរបស់ឯកឧត្តម មានសេចក្តីរីករាយ ដែលបានមកកម្ពុជា ដើម្បីបន្តពង្រឹងបន្ថែមទៀតនូវកិច្ចសហប្រតិបត្តិការ។

ឯកឧត្តមបានបន្តថា បេសកកម្មនេះ ក៏ដើម្បីពង្រឹងនូវមិត្តភាព ដែលធ្លាប់មានពីមុនមក និងរីករាយក្នុងការធ្វើការងារជាមួយរាជរដ្ឋាភិបាលកម្ពុជា ក៏ដូចជារដ្ឋមន្ត្រីក្រសួងរៀបចំដែនដី ក្នុងកិច្ចសហប្រតិបត្តិការ ដែលធ្លាប់អនុវត្តកន្លងមក ក៏ដូចជាកិច្ចសហប្រតិបត្តិការផ្សេងៗទៀតទាំងនៅក្នុងតំបន់អាស៊ាន ក៏ដូចជានៅក្នុងរបត់ផ្សេងៗ នៅក្នុងពិភពលោកផងដែរ។

ក្នុងជំនួបនោះ ឯកឧត្តមឧនាយករដ្ឋមន្រ្តី មានប្រសាសន៍ថា ចាប់តាំងពីឆ្នាំ១៩៩៣មក ការងារការទូតរបស់អូស្រ្តាលី ដែលបានបោះទីតាំងឡើងវិញនៅកម្ពុជា បានធ្វើឲ្យកម្ពុជាមានការវិវត្តន៍ ហើយក្នុងបេសកកម្មអ៊ុនតាក់ គឺអូស្រ្តាលី នៅឈរជួរមុខក្នុងការរៀបរយអនុវត្តនូវកិច្ចព្រមព្រៀងទីក្រុងប៉ារីសឆ្នាំ១៩៩៣ ដែលចាប់តាំងពីនោះមក កម្ពុជាបានទទួលសុខសន្តិភាព និងមានលទ្ធភាពក្នុងការអភិវឌ្ឍលើគ្រប់វិស័យ រហូតមកដល់បច្ចុប្បន្ន ដែលនេះជាផ្លែផ្កានៃកិច្ចសហប្រតិបត្តិការដ៏គួរឲ្យមានមោទនភាព។

ឯកឧត្តមឧបនាយករដ្ឋមន្រ្តី បានបន្តថា បញ្ហាសុវត្ថិភាព ដើម្បីឲ្យមានសន្តិភាព ជាបញ្ហាចំបងសម្រាប់កម្ពុជា ដែលធ្លាប់ខ្ទេចខ្ទាំដោយសង្រ្គាមស៊ីវិល អស់រយៈពេលជាច្រើនឆ្នាំ។ នៅពេលនោះទទួលបានការគាំទ្រពីអូស្រ្តាលី និងបន្តគាំទ្រឲ្យមានសន្តិសុខស្បៀង ហេដ្ឋារចនាសម្ព័ន្ធ ការចាប់ផ្តើមក្នុងការអភិវឌ្ឍធនធានមនុស្ស ការផ្ដល់​អាហារូបករណ៍ ហើយបញ្ហាសុខាភិបាល អូស្រ្តាលីបានជួយគាំទ្ររៀបចំយន្តការ ក្នុងការជួយទ្រទ្រង់​សុខភាព​របស់ប្រជាពលរដ្ឋ ខណៈមានភ្ញៀវទេសចរណ៍អូស្ត្រាលីមកកម្ពុជា និងការវិនិយោគជាដើម កាន់តែមានកំណើន។

ជាមួយនេះឯកឧត្តម ជា សុផារ៉ា សង្ឃឹមជឿជាក់ថាទូតថ្មីអូស្ត្រាលី នឹងបន្តគាំទ្រគម្រោងនានា ដែលទូតអូស្រ្តាលីចាស់ បានបញ្ចប់អាណត្តិបេសកកម្មនៅកម្ពុជានោះ នឹងបន្តឯកភាព ដើម្បីជាការបង្កើនទំនាក់ទំនងមិត្តភាព សាមគ្គីភាព រវាងកម្ពុជា-អូស្រ្តាលី ក្នុងចំណងការទូតរយៈពេល ៧១ឆ្នាំមកនេះ៕ អត្ថបទ៖ បាន សុខរិទ្ធិ



អត្ថបទដែលទាក់ទង

នាយករដ្ឋមន្ត្រីឡាវ ថ្លែងអំណរគុណដ៏ជ្រាលជ្រៅចំពោះសម្ដេចបវរធិបតី ដែលបានដឹកនាំគណៈប្រតិភូជាន់ខ្ពស់ ចូលរួមរំលែកទុក្ខ និងគោរពវិញ្ញាណក្ខន្ធអតីតប្រធានរដ្ឋឡាវ
2025/04/05 09:04:42 pm        1
ឯកឧត្តម​ប្រធាន​រដ្ឋ​ឡាវ៖​ វត្តមាន​របស់​សម្តេច​បវរ​ធិបតី​ និង​គណៈប្រតិភូ​ក្នុង​ឱកាស​ដ៏​ក្រៀមក្រំ​នេះ​ ជាការ​បង្ហាញ​ឱ្យ​ឃេីញ​នូវ​ទំនាក់ទំនង​ជាប្រពៃណី​ មិត្ត​ភាព​ សាមគ្គីភាព​ និង​ភាពជា​ដៃគូយុទ្ធសាស្ត្រ​គ្រប់​ជ្រុងជ្រោយ​និង​យូរអង្វែង​ រវាង​ប្រទេសទាំង២​
2025/04/05 08:44:16 pm        1
នាយឧត្តមសេនីយ៍ ស ថេត ក្រើនរំលឹកដល់នគរបាលការពារព្រំដែនទិសភូមិភាគ៣ ត្រូវស្មោះត្រង់ជាមួយ ជាតិ សាសនា ព្រះមហាក្សត្រ និងពលរដ្ឋ
2025/04/05 08:18:56 pm        1

បណ្ដាញសង្គម

ព័ត៌មានចុងក្រោយ

​នាយករដ្ឋមន្ត្រីឡាវ ថ្លែងអំណរគុណដ៏ជ្រាលជ្រៅចំពោះសម្ដេចបវរធិបតី ដែលបានដឹកនាំគណៈប្រតិភូជាន់ខ្ពស់ ចូលរួមរំលែកទុក្ខ និងគោរពវិញ្ញាណក្ខន្ធអតីតប្រធានរដ្ឋឡាវ

2025/04/05 09:04:42 pm
​ឯកឧត្តម​ប្រធាន​រដ្ឋ​ឡាវ៖​ វត្តមាន​របស់​សម្តេច​បវរ​ធិបតី​ និង​គណៈប្រតិភូ​ក្នុង​ឱកាស​ដ៏​ក្រៀមក្រំ​នេះ​ ជាការ​បង្ហាញ​ឱ្យ​ឃេីញ​នូវ​ទំនាក់ទំនង​ជាប្រពៃណី​ មិត្ត​ភាព​ សាមគ្គីភាព​ និង​ភាពជា​ដៃគូយុទ្ធសាស្ត្រ​គ្រប់​ជ្រុងជ្រោយ​និង​យូរអង្វែង​ រវាង​ប្រទេសទាំង២​
2025/04/05 08:44:16 pm
​នាយឧត្តមសេនីយ៍ ស ថេត ក្រើនរំលឹកដល់នគរបាលការពារព្រំដែនទិសភូមិភាគ៣ ត្រូវស្មោះត្រង់ជាមួយ ជាតិ សាសនា ព្រះមហាក្សត្រ និងពលរដ្ឋ
2025/04/05 08:18:56 pm
​លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកថ្ងៃទី៥ ខែមេសា រកឃើញយានយន្តល្មើស ចំនួន ១៥៩គ្រឿង ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេស
2025/04/05 08:00:34 pm
​ពលករខ្មែរសប្បាយរីករាយដែលបានមកលេងស្រុកកំណើតអំឡុងពេលចូលឆ្នាំ តាមច្រកព្រំដែន ដោយពុំមានការបង់ប្រាក់សេវា
2025/04/05 07:57:29 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2025/04/04 05:04:27 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2025/03/26 07:19:36 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2025/04/02 06:49:08 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2025/04/04 07:27:42 pm
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2025/03/27 05:09:06 am

ព័ត៌មានវីដេអូ

​រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

2024/09/02 09:13:57 am
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am