ការបញ្ជូនទាហានរបួសជាប្រចាំទៅកាន់គ្លីនិកមួយ ដើម្បីទទួលបានអវយវៈសប្បនិមិត្តក្នុងក្រុងគីវ គឺជាការបញ្ជាក់យ៉ាងច្បាស់ពីការប៉ះពាល់ធ្ងន់ធ្ងរដល់ជីវិតមនុស្សដោយសារសង្រ្គាម​របស់រុស្ស៊ី​មកលើអ៊ុយក្រែន​ ដែលការប៉ះពាល់ធ្ងន់ធ្ងរផ្នែកយោធា ត្រូវបានរក្សាការសម្ងាត់​ដោយភាគីទាំងពីរទៀតផង។

ការបាញ់កាំភ្លើងធំឥតឈប់ឈរនៅតាមខ្សែត្រៀមចំងាយ ១.០០០គ.មនិងការវាយប្រហារ​ដោយមីស៊ីលជាញឹកញាប់របស់រុស្ស៊ី នៅទូទាំងប្រទេសនេះ មានន័យថា ការរងរបួស​ដោយសារអំបែងគ្រាប់ ស្ថិតក្នុងចំណោមទាហាន និងជនស៊ីវិលនៅក្នុងប្រទេសអ៊ុយក្រែន ដែលកំពុងមានការកើនឡើងជាបន្តបន្ទាប់។

ប្រទេសរុស្ស៊ីបានបន្ថែមទ័ព និងកាំភ្លើងធំទៅកាន់សមរភូមិប្រយុទ្ធក្នុងឆ្នាំនេះហើយវាយ​ប្រហារ​ជាប្រចាំរបស់ខ្លួនទៅលើហេដ្ឋារចនាសម្ព័ន្ធអ៊ុយក្រែន ដែលបានចាប់ផ្ដើមកាលពីខែតុលា និងជារឿយៗបណ្តាលឲ្យជនស៊ីវិលស្លាប់ និងរងរបួស ទោះបីជាក្រុងមូស្គូ អះអាងថា ខ្លួនវាយប្រហារតែទៅលើគោលដៅយោធាក៏ដោយ។

ក្រុមអ្នកជំនាញនិយាយាថា ប្រទេសអ៊ុយក្រែននឹងត្រូវការការវិនិយោគដ៏ធំផ្នែកហេដ្ឋារចនាសម្ព័ន្ធ និងបុគ្គលិកដើម្បីដោះស្រាយបញ្ហាជនពិការ ដែលត្រូវការជំនួយជ្រោមជ្រែង​រយៈពេល​ជាច្រើនឆ្នាំខាងមុខទៀតដូច្នេះអវៈយវៈ​សិប្បនិមិត្ត​ ដែលមានតម្លៃទាប អាចរកទិញបានចាប់ពី​៥០០ដុល្លា រហូតដល់៧ម៉ឺនដុល្លារសម្រាប់ឧបករណ៍ទំនើប។