ក្រុមស្រ្តីបាល់ទាត់វ័យចំណាស់ វ៉ាក់ខេហ្គូឡា វ៉ាក់ខេហ្គូឡា របស់ប្រទេសអាហ្រ្វិកខាងត្បូង បានសម្ដែងការសប្បាយរីករាយ ខណក្រុមរបស់ពួកគេ បានឈ្នះពិន្ទុ១ ទល់នឹងសូន្យ ជាមួយក្រុមមួយមកពីសហរដ្ឋអាមេរិក។

នេះជាថ្ងៃដំបូងនៃការប្រកួតបាល់ទាត់អន្ដរជាតិផ្នែកស្រ្ដីវ័យចំណាស់ក្នុងខេត្ដ លីមប៉ូប៉ូ ហើយក្រុមនេះ ក៏ដូចជាក្រុមផ្សេងទៀតដែរ ត្រូវបានបង្កើតឡើងជាក្រុមបាល់ទាត់ស្រ្ដី​ដែលមានអាយុចាប់ពី៥៥ឆ្នាំឡើង ។

ការប្រកួតដណ្តើមពានរង្វាន់ ដែលឈ្មោះហៅក្រៅថា ការប្រកួតបាល់ទាត់ World Cup សំរាប់ស្រ្ដីចំណាស់ ដែលជាការប្រកួតលើកដំបូងរបស់ខ្លួន ត្រូវបានរៀបចំឡើងដោយក្រុមម្ចាស់ផ្ទះ វ៉ាខេហ្គូឡា វ៉ាខេហ្គូឡា ។

ក្រុមនេះ ត្រូវបានបង្កើតឡើងនៅឆ្នាំ២០០៧ ដើម្បីលើកកំពស់ផ្នែកសុខភាពស្រ្ដីវ័យចំណាស់ នៅតាមមូលដ្ឋាន ហើយវាក៏បាននាំទៅរកការបង្កើតក្រុមស្រ្ដីវ័យចំណាស់ផ្សេងទៀត នៅទូទាំងប្រទេសផងដែរ។