​អូស្ត្រាលី៖ រដ្ឋាភិបាល​អូស្ត្រាលី​នៅ​ថ្ងៃ​ព្រហស្បតិ៍​នេះបាន​បោះជំហាន​ជា​ផ្លូវការ​លើកដំបូង ​ឆ្ពោះ​ទៅ​រក​ការរៀបចំ​បោះ​ឆ្នោត​ប្រជាមតិ ​ដើម្បី​ទទួលស្គាល់​ពលរដ្ឋ​ជនជាតិ​ដើម​ភាគតិច​នៅ​ក្នុង​ស្ថាប័ន​នេះ និង​គ្រោង​ធ្វើ​ឲ្យ​សំឡេង​ជន​ជាតិ​ដើម​ភាគតិច​ជ្រាប​ចូល​ដល់​រដ្ឋសភា​ "Voice to Parliament" ដើម្បី​ផ្ដល់​ការណែនាំ​ដល់​សមាជិកសភា​លើ​បញ្ហា​ទាំងឡាយ​ ដែល​បាន​ប៉ះពាល់​ដល់​ការរស់នៅ​របស់​ពួកគេ​។

​សេចក្តី​ស្នើច្បាប់​ដែល​នឹង​នាំ​ឲ្យ​មានការ​បោះឆ្នោត​ប្រជាមតិ​ថា ​តើ​ត្រូវ​ដាក់​សំឡេង​ជន​ជាតិ​ដើម​ភាគ​តិច Aboriginal និង ​Torres Strait Islander ទៅកាន់​សភា ឬ​អត់​ត្រូវ​បាន​ដាក់បញ្ចូល​ទៅ​ក្នុង​សភា​ជាន់​ទាប​។​ ​សេចក្តី​ស្នើច្បាប់​នេះ​បាន​ទទួល​ការ​គាំទ្រ​ដែល​ចាំបាច់​ត្រូវ​បញ្ជូន​ដើម្បី​អនុម័ត​នៅ​សភា ហើយ​ក្រោយមក​នៅ​ព្រឹទ្ធ​សភា។​ ​ការ​ដាក់​ចេញ​សេចក្ដីស្នើច្បាប់​នេះ រដ្ឋអាជ្ញា​លោក Mark Dreyfus បាន​និយាយ​ថា​ វា​នឹង​កែតម្រូវ​កំហុស​ជា​មូលដ្ឋាន​នៅ​ក្នុង​ស្ថាប័ន​មួយ​នេះ​។​ ​លោក​និយាយ​ថា ពលរដ្ឋ​ជន​ជាតិ​ដើម​ភាគតិច "Aboriginal និង ​Torres Strait Islander បាន​កាន់កាប់​ទ្វីប​របស់​អូស្ត្រាលី​រយៈពេល​ជាង ​៦​ម៉ឺន​ឆ្នាំ​ និង​តំណាង​ឲ្យ​វប្បធម៌​រស់​ដែល​នៅតែ​បន្ត​ចាស់​ជាងគេ​បំផុត​ក្នុង​ប្រវត្តិសាស្ត្រ​មនុស្ស​ជាតិ​។

​ពួកគេ​នៅតែ​រក្សា​ទំនាក់ទំនង​ជាមួយ​ដី ទឹក និង​មេឃ ព្រមទាំង​វេលា​មិន​អាច​បំភ្លេច​បាន​របស់​អូស្ត្រាលី​។ ​ច្បាប់​នេះ​នឹង​អនុញ្ញាត​ឲ្យ​មានការ​បោះឆ្នោត​ប្រជាមតិ ​សម្រាប់​ប្រជាជន​អូស្ត្រាលី​ដើម្បី​បោះឆ្នោត​ថា ​តើ​ត្រូវ​ដាក់​បញ្ចូល​សំឡេង​ដែល​បាន​ស្នើ​ឡើង​ទៅ​កាន់​សភា Voice to Parliament ទៅ​ក្នុង​រដ្ឋធម្មនុញ្ញ ហើយ​ទទួលស្គាល់​ជា​ផ្លូវការ​នូវ​ពលរដ្ឋ​ជន​ជាតិ​ដើម​ភាគតិច Aboriginal និង ​Torres Strait Islander ជា​ប្រជាជន​ដំបូង​នៃ​ប្រទេស​អូស្ត្រាលី​ដែរ​ឬទេ​៕

អត្ថបទ៖ សុខមាន