​អ៊ីស្រាអែល៖ ក្រុម​អ្នក​តវ៉ា​បាន​ចេញ​តវ៉ា​ពេញ​ដង​ផ្លូវ​នានា​នៃ​ទីក្រុង Tel Aviv កាលពី​ថ្ងៃ​ពុធ ទី​២៩​មីនា ទោះបីជា​លោកនាយក​រដ្ឋមន្ត្រី Benjamin Netanyahu បាន​ផ្អាក​ផែនការ​កំណែទម្រង់​ប្រព័ន្ធ​តុលាការ​ក៏ដោយ​។​ ភាគច្រើន​នៃ​ការ​តវ៉ា​ទាំងនោះ​បាន​និយាយ​ថា ផែនការ​នានា​ដែល​បាន​ប្រកាស​កាល​ពី​ពេល​ថ្មី​នេះ​ ក្នុង​ការ​បង្កើត​ឆ្នាំ​ជាតិ​ផ្សេងទៀត​បាន​នាំ​​ឲ្យពួកគេ​ចូលរួម​ការតវ៉ា​។

​កម្លាំង​ថ្មី​នេះ​នឹង​ស្ថិត​នៅ​ក្រោម​សិទ្ធិអំណាច​របស់​រដ្ឋមន្ត្រី​សន្តិសុខ​ជាតិ​ប្រកាន់​តឹង​លោក Itamar Ben Gvir​។ ​កំណែទម្រង់​ប្រព័ន្ធ​តុលាការ​ដែល​នឹង​ផ្ដល់​អំណាច​ការគ្រប់គ្រង​កាន់តែ​ណែន​ ជុំវិញ​ការតែងតាំង​ចៅក្រម​នៅ​តុលាការ​កំពូល ​និង​អនុញ្ញាត​ឲ្យ​រដ្ឋាភិបាល​នេះ​បដិសេធ​សេចក្ដី​សម្រេច​របស់​តុលាការ​ លើ​មូលដ្ឋាន​នៃ​សំឡេង​ភាគច្រើន​នៅ​សភា​ធម្មតា​ បាន​បណ្ដាល​ឲ្យ​ផ្ទុះ​ការ​តវ៉ា​រយៈពេល​ជាច្រើន​សប្ដាហ៍​មកនេះ​។

​ឥឡូវនេះ​នៅ​ក្នុង​អាណត្តិ​ទី​ប្រាំមួយ​របស់​លោក លោក Netanyahu ដើរ​លើ​ក្រុមចម្រុះ​សាសនា​-​ជាតិ​និយម ដែល​សមាជិក​ស្តាំនិយម​ជ្រុល​បាន​ធ្វើ​ឲ្យ​មានការ​ព្រួយបារម្ភ​នៅ​លោក​ខាងលិច ​សម្រាប់​ការ​បង្កើត​សន្តិភាព​យូរអង្វែង​នា​ពេល​អនាគត​ដែល​បាន​ជាប់​គាំង​ជាមួយ​ប៉ា​ឡេ​ស្ទី​ន និង​សមត្ថភាព​ក្នុង​ការ​សម្របសម្រួល​យុទ្ធសាស្ត្រ​លើ​អ៊ីរ៉ង់​៕

អត្ថបទ៖ សុខមាន