កេនយ៉ា៖ បាតុកម្មជាច្រើនដែលរៀបចំឡើងកាលពីថ្ងៃព្រហស្បតិ៍ ដោយក្រុមអ្នកប្រឆាំងប្រធានាធិបតីកេនយ៉ាលោក William Ruto ត្រូវបានធ្វើឡើងម្តងទៀតដោយមានការប៉ះទង្គិចគ្នាដោយហិង្សា ខណៈក្រុមបាតុករគប់ដុំថ្មបានប្រយុទ្ធជាមួយនគរបាល។
អ្នកតវ៉ាម្នាក់នៅក្នុងទីក្រុងណៃរ៉ូប៊ីបាននិយាយថា យើងនឹងមិនចុះចាញ់នោះទេ។ ជារៀងរាល់យប់ យើងបានត្រៀមខ្លួនជានិច្ចទោះបីនៅពេលយប់ក៏ដោយ។ ការតវ៉ាកាលពីពេលមុនត្រូវបានអំពាវនាវដោយមេដឹកនាំគណបក្សប្រឆាំងលោក Raila Odinga កាលពីថ្ងៃចន្ទប្រឆាំងការចំណាយខ្ពស់ក្នុងជីវភាពរស់នៅ និងការចោទប្រកាន់ពីការក្លែងបន្លំនៅក្នុងការបោះឆ្នោតកាលពីឆ្នាំមុន ដែលបានធ្លាក់ចូលទៅក្នុងការវាយប្រហារសងសឹកដោយភាគីទាំងពីរ និងបានធ្វើឲ្យមានការអង្វរពីអ្នកដឹកនាំពលរដ្ឋក្នុងតំបន់ឱ្យមានភាពស្ងប់ស្ងាត់។
ការតវ៉ាកាលពីថ្ងៃព្រហស្បតិ៍មានភាពតានតឹងតិច ជាងបាតុកម្មកាលពីពីរថ្ងៃមុននៅក្នុងរដ្ឋធានីណៃរ៉ូប៊ី ប៉ុន្តែពួកគេហាក់ដូចជាបានឡើងកម្តៅនៅពាក់កណ្តាលពេលរសៀល។ មេដឹកនាំគណបក្សប្រឆាំងលោក Raila Odinga ជិះឆ្លងកាត់សង្កាត់ជិតខាងទីក្រុងណៃរ៉ូប៊ីជាច្រើនផ្សេងទៀត ក្នុងក្បួនជាមួយមេដឹកនាំបក្សប្រឆាំងផ្សេងទៀត ខណៈអ្នកគាំទ្ររាប់រយនាក់បានដើរក្បួនជាមួយគ្នា ដោយគ្រវីមែកឈើ ឆ្នាំង និងស្លាបព្រាឈើ។ លោក Odinga ដែលបានឈរឈ្មោះជាប្រធានាធិបតីចំនួនប្រាំដង បានជំទាស់នឹងជ័យជំនះរបស់លោក Ruto នៅក្នុងការបោះឆ្នោតកាលពីខែសីហាឆ្នាំមុន ប៉ុន្តែតុលាការកំពូលបានគាំទ្រលទ្ធផលនៅក្នុងការសម្រេចចិត្តជាឯកច្ឆន្ទមួយ៕
អត្ថបទ៖ ប៊ុនថន