អន្ដរជាតិ៖ ក្រុមអ្នកតវ៉ារាប់ម៉ឺននាក់បានសម្រុកទៅកាន់ដងផ្លូវនានាក្នុងប្រទេសអ៊ីស្រាអែល កាលពីថ្ងៃសៅរ៍ទី១មេសា ទោះបីជារដ្ឋាភិបាលបានផ្អាកនៅសប្ដាហ៍នេះក៏ដោយ ដើម្បីទាមទារឲ្យលុបចោលទាំងស្រុង។

នៅក្នុងទីក្រុង Tel Aviv ក្រុមអ្នកគាំទ្របានកាន់កាប់ផ្លូវហាយវ៉េមួយរយៈពេល ជាផ្លូវមួយក្នុងចំណោមផ្លូវសំខាន់ៗជាច្រើនមុនពេលត្រូវបានបំបែកដោយនគរបាលជិះសេះ និងការណុងបាញ់ទឹក។ ការប៉ះទង្គិចគ្នាបន្តបន្ទាប់បានផ្ទុះឡើង ហើយមនុស្សមួយចំនួនត្រូវបានចាប់ឃុំខ្លួន។

ពលរដ្ឋអ៊ីស្រាអែល ក៏បានចេញតវ៉ាផងដែរនៅខាងក្រៅគេហដ្ឋានប្រជាធិបតីអ៊ីស្រាអែល លោក Isaac Herzog នៅក្នុងទីក្រុងហ្សេរ៉ុយសាឡឹម។

សារព័ត៌មានអ៊ីស្រាអែល បានប៉ាន់ប្រមាណថា មនុស្សជាង១៥ម៉ឺននាក់ បានចូលរួមការតវ៉ាប្រឆាំងរដ្ឋាភិបាលទូទាំងប្រទេសកាលពីថ្ងៃសៅរ៍ ជាការតវ៉ាចុងក្រោយនៅក្នុងមជ្ឈមណ្ឌលពាណិជ្ជកម្ម Tel Aviv។

គ្រប់ដណ្ដប់ដោយភាពចលាចលក្នុងស្រុក និងការបង្ហាញនៃការព្រួយបារម្ភ និងការមិនពេញចិត្តនៅទីក្រុងវ៉ាស៊ីនតោន លោក Netanyahu នៅថ្ងៃចន្ទ ២៧ សប្ដាហ៍មុន បានផ្អាកកំណែទម្រង់ ដើម្បីអនុញ្ញាតឱ្យមានការចរចាលើការសម្របសម្រួលរវាងក្រុមចម្រុះសាសនា-ជាតិនិយមរបស់លោក និងគណបក្សប្រឆាំង។

មួយក្នុងចំណោមចំណុចសំខាន់ជាច្រើននៃជម្លោះ គឺការជំរុញរបស់សម្ព័ន្ធគ្រប់គ្រងប្រទេសសម្រាប់អំណាចបន្ថែមទៀត ក្នុងការតែងតាំងចៅក្រម រួមទាំងដល់តុលាការកំពូលផងដែរ។

ក្រុមអ្នករិះគន់ចាត់ទុកការជំរុញរបស់រដ្ឋាភិបាលថាជាការគំរាមកំហែងដល់ឯករាជ្យភាពរបស់តុលាការ និងការប៉ុនប៉ងធ្វើរដ្ឋប្រហារតាមផ្លូវច្បាប់៕