​អាមេរិក៖ អភិបាលក្រុង New York លោក Eric Adams បាន​ព្រមាន​ថា ក្រុម​អាជ្ញាធរ​នឹង​មិន​បណ្ដោយ​ឲ្យ​មាន​អំពើ​ហិង្សា ឬ​ការ​បំផ្លិច​បំផ្លាញ​ទ្រព្យសម្បត្តិ​សាធារណៈ​ណាមួយ​ផ្ទុះឡើង​ឡើយ​ ក្រោយ​ការ​ឡើង​សវនាការ​របស់​អតីត​ប្រធានាធិបតី​អាមេរិក​នៅ​ក្នុង​តុលាការ​តំបន់ Manhattan និង​បាន​និយាយ​ថា អ្នក​ទាំងឡាយ​ដែល​ត្រូវ​បាន​រក​ឃើញ​ថា ​បាន​ធ្វើ​សកម្មភាព​នោះ​នឹង​ត្រូវ​ចាប់ខ្លួន​។

​ទីក្រុង​នេះ​នឹង​ត្រៀម​ទប់ទល់​ចំពោះ​ភាព​ចលាចល​នៅ​បន្ទប់​តុលាការ ​របស់​ប្រធានាធិបតី​មិន​ធ្លាប់​មាន ខណៈ​លោក​ Trump បាន​ធ្វើ​ដំណើរ​ពី​រដ្ឋ Florida កាលពី​រសៀល​ថ្ងៃ​ចន្ទ​ដើម្បី​ប្រឈម​នឹង​សវនាការ​នៅ​ចំពោះ​មុខ​ចៅក្រម​លោក Juan Merchan ដែល​ជា​តុលាការ​យុត្តិធម៌​ជាន់ខ្ពស់​ស្ដីទី​ទីក្រុង New York នៅ​ថ្ងៃ​អង្គារ​នេះ។ លោក Trump ត្រូវ​បាន​បង្ហាញ​ដោយ​ក្រុម​គណៈវិនិច្ឆ័យ​ដ៏​ធំ​ ជាប់​ពាក់​ព័ន្ធ​ករណី​បង់លុយ​បំបិទមាត់​តារាភាពយន្ត​អាសអាភាស​នាង Stormy Daniels ចំនួន​ ១៣​ម៉ឺន​នាក់​ ដែល​ធ្វើ​ឲ្យ​លោក​ក្លាយ​ជា​ប្រធានាធិបតី​បច្ចុប្បន្ន ​ឬ​អតីត​ប្រធានាធិបតី​អាមេរិក​ដែល​ប្រឈម​នឹង​ការ​ចោទ​ប្រកាន់​បទឧក្រិដ្ឋ​បែបនេះ​។

​មួយថ្ងៃ​មុន​ពេល​បើក​សវនាការ លោក​ Adams បាន​ប្រាប់​ប្រជាពលរដ្ឋ​ទីក្រុង New York ព្រមទាំង​អ្នក​មក​ពី​រដ្ឋ​ផ្សេងៗ​ឲ្យ​រៀបចំ​ឥរិយាបថ​ឲ្យ​បាន​ល្អ​។ យើង​នឹង​មិន​បណ្ដោយ​ឲ្យ​មាន​អំពើ​ហិង្សា ​ឬ​ការ​បំផ្លិច​បំផ្លាញ​ទ្រព្យ​សម្បត្តិ​សាធារណៈ​ក្នុង​រូបភាព​ណាមួយ​ឡើយ ហើយ​អ្នក​ដែល​បាន​ប្រព្រឹត្តិ​សកម្មភាព​ហិង្សា អ្នកនោះ​នឹង​ត្រូវ​ចាប់ខ្លួន​ និង​ទទួលខុសត្រូវ​ចំពោះ​មុខ​ច្បាប់​ ទោះ​អ្នកនោះ​ជា​អ្នកណា​ក៏ដោយ​។ លោក​ថា ចំណែក​អ្នក​ចូលចិត្ត​បន្ទោស​បង្អាប់​ខាង​នយោបាយ​មួយ​ចំនួន ​ដែល​គិត​ថា​ចង់​ចូល​មក​កាន់​ទីក្រុង​របស់​យើង​នៅ​ថ្ងៃ​អង្គារ​នេះ​ សារ​របស់​យើង​បញ្ជាក់​យ៉ាង​ច្បាស់ និង​សាមញ្ញ​គឺ​គ្រប់គ្រង​ខ្លួនឯង​ឲ្យ​បាន​៕

អត្ថបទ៖ សុខមាន