ភ្នំពេញ ៖ កម្ពុជាទទួលបានពានរង្វាន់អក្ខរកម្មពិភពលោកឆ្នាំ២០២៣។ នេះបើតាមក្រសួងអប់រំ យុវជន និងកីឡា ផ្សព្វផ្សាយឱ្យដឹងនៅថ្ងៃទី៤ ខែមេសា ឆ្នាំ២០២៣។

ប្រភពដដែលឱ្យដឹងទៀតថា ក្នុងនាមប្រទេសកម្ពុជា ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានអញ្ជើញទទួលពានរង្វាន់អក្ខរកម្មពិភពលោកឆ្នាំ២០២៣ ចំពោះភាពលេចធ្លោ​ក្នុងការលើក​កម្ពស់អក្ខរកម្ម និងការអប់រំ។

កម្ពុជាស្ថិតក្នុងចំណោមជយលាភីប្រចាំឆ្នាំចំនួន៥ ដែលទទួលបានពានរង្វាន់ប្រកបដោយកិត្យានុភាពនេះ នាអំឡុងនៃកិច្ចប្រជុំកំពូលអក្ខរកម្មពិភពលោក(World Literacy Summit)ពីថ្ងៃទី២ ដល់ទី៤ ខែមេសា នៅ​សាកលវិទ្យាល័យ Oxford ចក្រភពអង់គ្លេស៕ ដោយ៖ គង់ ឌិន​