សមយុទ្ធកងទ័ពកម្ពុជា-ចិន ចង់បង្ហាញដល់ពិភពលោកកាន់តែច្បាស់អំពីមិត្តភាពដែកថែប ដោយមិនអាចបំបែកបំបាក់បាន

2023/04/05 11:10:00 am        238

កំពង់ឆ្នាំង៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានអះអាងថា ការធ្វើសមយុទ្ធរួមគ្នារវាងកងទ័ពកម្ពុជា និងចិននាពេលនេះ គឺបានបង្ហាញ​ដល់​ពិភពលោក​ឲ្យកាន់តែច្បាស់បន្ថែមទៀតថា«មិត្តដែកថែប»រវាងកម្ពុជា-ចិន​មិនអាចបំបែកបំបាក់​បាននោះឡើយ ​ខណៈការធ្វើសមយុទ្ធនេះ ដើម្បីបង្កើនកិច្ច​សហប្រតិបត្តិការ​ជាមួយគ្នាឲ្យកាន់​តែជិតស្និតថែមទៀត សម្រាប់គាំទ្រដល់សន្តិសុខក្នុងតំបន់ និង​សកលលោកផងដែរ។

ថ្លែងក្នុងឱកាស អញ្ជើញក្នុងពិធីបិទសមយុទ្ធនាគមាសកម្ពុជា-ចិន ២០២៣ ធ្វើឡើង​នៅមជ្ឈមណ្ឌល​ហ្វឹកហ្វឺនកងរាជអាវុធហត្ថលើផ្ទៃប្រទេស (ភ្នំជុំសែនរីករាយ) ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង ក្រោមប្រធានបទ «ប្រតិបត្តិការការពារ សន្តិសុខ ក្នុងព្រឹត្តិការណ៍ធំៗ និងការជួយសង្គ្រោះមនុស្សធម៌ នៃកងទ័ពប្រទេសទាំងពីរកម្ពុជា-ចិន»​ នាថ្ងៃទី៥ ខែមេសា ឆ្នាំ២០២៣នេះ សម្តេចពិជ័យសេនា ទៀ បាញ់ បានលើកឡើងថា សមយុទ្ធ«នាគមាស​ឆ្នាំ២០២៣»​រវាង​កងទ័ពកម្ពុជា ​និងចិនលើកទី៥នេះ បានផ្តល់ឱកាស​ដល់កងទ័ពទាំងពីរទទួល​បានការផ្លាស់ប្តូរ​បន្ថែម​ នូវចំណេះដឹង​បទពិសោធន៍ ​រៀនសូត្រពីគ្នាទៅវិញទៅមក និងបង្កើនកិច្ច​សហប្រតិបត្តិការ​ជាមួយគ្នា កាន់តែ​ជិតស្និត​ថែមទៀត​សម្រាប់គាំទ្រដល់សន្តិសុខក្នុងតំបន់ ​និងសកលលោក។

សម្តេចពិជ័យសេនា ទៀ បាញ់ បានលើកឡើងថា តាមរយៈសមយុទ្ធរួមគ្នាជាមួយកងទ័ពចិន​ក្នុងរយៈពេល២០ថ្ងៃមកនេះ ​កងទ័ពកម្ពុជាក៏ទទួលបាននូវបទពិសោធន៍ និងចំណេះដឹងថ្មីៗ​ថែមទៀត​ ដូចជាការចល័តកងកម្លាំង ​ការដោះស្រាយជាយថាហេតុ ​ការរុករកបោសសំអាតមីន និង​យុទ្ធភ័ណ្ឌមិនទាន់ផ្ទុះ ប្រតិបត្តិការមនុស្សធម៌ ​ការដោះស្រាយជំងឺឆ្លង និងកិច្ចការសង្គម​មួយ​ចំនួនទៀត ​និងបានរួមចំណែកយ៉ាងសំខាន់ ក្នុងការត្រៀមរៀបចំ​កម្លាំង​សម្រាប់ចូលរួមព្រឹត្តិការណ៍ SEA Games-ASEAN. Para Games 2023 នាពេលដ៏ខ្លីខាងមុខទៀតផងដែរ។

សម្តេចប្រមុខការពារជាតិ បានបញ្ជាក់បន្ថែមទៀតថា សមយុទ្ធនេះ«ពិតជាមានសារៈសំខាន់​ជា​យុទ្ធសាស្រ្ត នៃទំនាក់ទំនងកម្ពុជា-ចិន កាន់តែមានភាពចាំបាច់ថែមទៀ​តនៅក្នុងបរិបទ​នៃ​ការផ្លាស់ប្ដូរ និងបញ្ហាប្រឈមនានាយ៉ាងខ្លាំងក្លានៅក្នុងពិភពលោកនាពេលបច្ចុប្បន្ននេះ និង​ស្របតាមការប្តេជ្ញាចិត្តខ្ពស់របស់រដ្ឋាភិបាល ​កងទ័ពប្រទេសទាំងពីរ មិនថាស្ថានភាពអន្តរជាតិ​មានការផ្លាស់ប្ដូរយ៉ាងណាក៏ដោយ​ ក៏ប្រទេសយើងទាំងពីរនឹងធ្វើឱ្យកាន់តែស៊ីជម្រៅឥតងាករេនូវ «មិត្តភាពដែកថែប» ​យ៉ាងជិតស្និទ្ធ និងអភិវឌ្ឍន៍កិច្ចសហប្រតិបត្តិការជាក់ស្ដែង ឈ្នះ ឈ្នះ ដើម្បីផលប្រយោជន៍ទៅវិញទៅមក សំដៅ «ជម្រុញកសាងសហគមន៍វាសនារួមសម្រាប់​មនុស្សជាតិ»។

សម្ដេច​ពិជ័យ បានអះអាងទៀតថា សមិទ្ធផលសមយុទ្ធរួមគ្នារវាងកងទ័ពកម្ពុជា ​និងចិន លើកនេះ បាន​បន្សល់​ទុកនូវ​និមិត្ត​សញ្ញាមួយដ៏រឹងមាំសម្រាប់កត់ត្រាទុកក្នុងប្រវត្តិសាស្ត្រយោធា នៃកិច្ច​សហប្រតិបត្តិការមិត្តភាពរវាងប្រទេស ​និងកងទ័ពទាំងពីរ ស្របពេលដែល​ស្ថានការណ៍​នៅ​លើពិភពលោកមានភាព​ប្រែប្រួល និងវិវត្តន៍យ៉ាងឆាប់រហ័ស ​និងក្រោយវិបត្តិជំងឺកូវីដ-១៩ មាន​ភាពធូរស្រាល, មាន​សុខសន្តិភាព​ ជំនះគ្រប់ ​ឧបសគ្គគ្រប់បែបយ៉ាង​ រួមចិត្តតែមួយ ​កៀកស្មាគ្នា និង​ធ្វើការជាមួយគ្នាគ្រប់ការលំបាក​ និងគ្រប់កាលៈទេសៈ ​សម្រេច​បានជោគជ័យតាមផែន​ការ​គ្រោងទុក។

សម្តេចពិជ័យសេនា ក៏បានលើកឡើងផងដែរថា សមិទ្ធផលដែលសម្រេចបានពីការធ្វើ​សមយុទ្ធ​រួមគ្នា​លើកទី៥នេះ ស្របពេលដែលរដ្ឋាភិបាលប្រទេសទាំងពីរ​បានប្រកាសបើក​ព្រឹត្តិការណ៍ «ឆ្នាំមិត្តភាពកម្ពុជា-ចិន»ដើម្បីអបអរសាទរខួបលើកទី៦៥ ​នៃការបង្កើតទំនាក់ទំនងការទូត និង​ឆ្នាំមិត្តភាព​ឆ្ពោះទៅយុគសម័យថ្មីនៃការកសាងសហគមន៍វាសនារួម ​កម្ពុជា-ចិន ប្រកបដោយ​គុណភាព និងស្ដង់ដារខ្ពស់ ដើម្បីបន្តថែរក្សាទំនាក់ទំនង​មិត្តភាព​ដែកថែប​ដែលជា​រតនៈសម្បត្តិ​ដ៏មាន​តម្លៃបំផុតគ្រប់ជំនាន់​ នឹងបន្តគាំទ្រគ្នាទៅវិញទៅមកលើបញ្ហា ​ដែលជាផលប្រយោជន៍ស្នូល​រវាង​គ្នានិងគ្នា ​និងចាត់ទុកថា ​កិច្ចសហប្រតិបត្តិការនេះ​ពិតជាមានសារៈសំខាន់ណាស់ សម្រាប់​សហគមន៍ ​វាសនារួមកម្ពុជា-ចិន។

ឆ្លៀតក្នុងឱកាសនោះដែរ សម្តេចពិជ័យសេនា ទៀ បាញ់ ​ក៏បានថ្លែងអំណរគុណចំពោះរដ្ឋាភិបាល និងកងទ័ពរំដោះប្រជាជនចិន​ ដែលជានិច្ចកាលតែងតែ​គាំទ្រ​ឥតងាករេ​ចំពោះកិច្ចខិតខំប្រឹង​ប្រែង​របស់កម្ពុជា​ ដើម្បីរក្សាឯករាជ្យ អធិបតេយ្យភាព​ សន្តិសុខ និងផលប្រយោជន៍នៃការអភិវឌ្ឍ និង​លើកកម្ពស់​ជាបន្តបន្ទាប់នៃរបៀបវារៈនយោបាយជាតិសំខាន់ៗ​របស់កម្ពុជា ហើយប្រឆាំង​ជា​ដាច់ខាត​ចំពោះការ​ជ្រៀតជ្រែក​ពី​បរទេស​ចូល​កិច្ចការផ្ទៃក្នុងកម្ពុជា៕អត្ថបទ៖ បាន ចក់

អត្ថបទដែលទាក់ទង

ក្រសួងការងារ និងស្ថានទូត រួមទាំងភាគីពាក់ព័ន្ធនឹងរៀបចំសង្ក្រាន្តឆ្នាំថ្មីជូនពលករកម្ពុជានៅប្រទេសថៃដែលមិនបានវិលមកស្រុកកំណើត
2024/04/14 04:29:03 pm        1
ប្រធានគណៈបញ្ជាការឯកភាពរដ្ឋបាលខេត្តកំពង់ឆ្នាំង ចុះពិនិត្យកម្លាំងនគរបាលតាមប៉ុស្តិក្នុងខេត្ត និងដាក់បញ្ជាអោយរក្សាអោយបាននូវសន្តិសុខសណ្តាប់ធ្នាប់
2024/04/14 02:10:40 pm        1
ឯកឧត្តម ឃួង ស្រេង និងលោកជំទាវចូលរួមលេងល្បែងប្រពៃណីកម្សាន្តសប្បាយជាមួយប្រជាពលរដ្ឋក្នុងព្រឹត្តិការណ៍សង្រ្កាន្តវត្តភ្នំថ្ងៃទី២
2024/04/14 12:00:23 pm        1

បណ្ដាញសង្គម

ព័ត៌មានចុងក្រោយ

​ក្រសួងការងារ និងស្ថានទូត រួមទាំងភាគីពាក់ព័ន្ធនឹងរៀបចំសង្ក្រាន្តឆ្នាំថ្មីជូនពលករកម្ពុជានៅប្រទេសថៃដែលមិនបានវិលមកស្រុកកំណើត

2024/04/14 04:29:03 pm
​ប្រធានគណៈបញ្ជាការឯកភាពរដ្ឋបាលខេត្តកំពង់ឆ្នាំង ចុះពិនិត្យកម្លាំងនគរបាលតាមប៉ុស្តិក្នុងខេត្ត និងដាក់បញ្ជាអោយរក្សាអោយបាននូវសន្តិសុខសណ្តាប់ធ្នាប់
2024/04/14 02:10:40 pm
​អង្គភាពការពារដែនអាកាសអ៊ុយក្រែន នៅតែតាមសង្កេតមើលយានដ្រូនស៊ើបការុស្ស៊ីជានិច្ច
2024/04/14 12:04:56 pm
​ឯកឧត្តម ឃួង ស្រេង និងលោកជំទាវចូលរួមលេងល្បែងប្រពៃណីកម្សាន្តសប្បាយជាមួយប្រជាពលរដ្ឋក្នុងព្រឹត្តិការណ៍សង្រ្កាន្តវត្តភ្នំថ្ងៃទី២
2024/04/14 12:00:23 pm
​ពលរដ្ឋ និងពុទ្ធបិរស័ទខេត្តកោះកុងសប្បាយរីករាយធ្វើបុណ្យឧទ្ទិសកុសលដល់បុព្វការីជននាឱកាសឆ្នាំថ្មី
2024/04/14 11:49:14 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2024/04/14 12:04:29 pm
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2024/04/14 01:54:53 am
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2024/04/12 02:26:18 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2024/04/13 09:53:38 pm
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2024/04/07 01:04:25 am

ព័ត៌មានវីដេអូ

​ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am