អាហ្វហ្គានីស្ថាន៖ ក្រុមតាលីបង់កំពុងព្រមានថា កងទ័ពអាមេរិកនៅប្រទេសអាហ្វហ្គានីស្ថាន នឹងត្រូវរងការវាយប្រហារជាថ្មីនៅពេលនេះ ស្របពេលកាលបរិច្ឆេទដកទ័ពផុតកំណត់ថ្ងៃទី១ ឧសភា ដែលបានសន្យាកាលពីឆ្នាំមុនដោយប្រធានាធិបតី Trump បានផុតកំណត់។
អ្នកនាំពាក្យតាលីបង់បាននិយាយ តាមបណ្ដាញទ្វីតធ័រកាលពីថ្ងៃសៅរ៍ថា ក្រុមយុទ្ធជនរបស់ក្រុមបះបោរនឹង "ចាត់វិធានការរាល់អ្វីដែលខ្លួនគិតថា សមរម្យប្រឆាំងនឹងកម្លាំងនេះ''។ យោងតាមរបាយការណ៍នានា ប៉ុស្តិ៍ត្រួតពិនិត្យសន្តិសុខនានាត្រូវបានរឹតបន្តឹង នៅក្នុងទីក្រុងកាប៊ុល និងទីក្រុងដទៃទៀត ហើយការល្បាតយោធាត្រូវបានបង្កើននៅតាមដងផ្លូវនានា។ ការព្រមាននេះមានឡើងនៅថ្ងៃទី១ ខែឧសភា ជាកាលបរិច្ឆេទដែលអតីតប្រធានាធិបតីលោក Trump និងមេដឹកនាំតាលីបង់បានព្រមព្រៀងគ្នាថា ជាចុងបញ្ចប់នៃវត្តមានយោធាអាមេរិកដែលមានរយៈពេល ២ទសវត្ស នៅក្នុងប្រទេសដែលហែកហួរដោយសារសង្គ្រាមមួយនេះ។
កងកម្លាំងតាលីបង់បានផ្អាកការវាយលុកទៅលើកម្លាំងចម្រុះ បន្ទាប់ពីបានចុះហត្ថលេខាលើកិច្ចព្រមព្រៀងសន្តិភាពមួយ ដែលបានបញ្ជាក់ពីកាលបរិច្ឆេទដកទ័ពកាលពីខែកុម្ភៈ។ ប៉ុន្តែលោកប្រធានាធិបតី Joe biden បានពន្យារពេលកំណត់ ដោយសន្យាថានឹងដឹកកងទ័ពអាមេរិកនៅថ្ងៃទី១១ ខែកញ្ញា៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
