ព្រះសីហនុ៖ ថ្ងៃទី៦ ខែមេសា ឆ្នាំ២០២៣ នាយនាវីមេបញ្ជាការរង ទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ ប្រាប់ថា នាវាកងទ័ពជើងទឹកប្រជាជនវៀតណាម មួយគ្រឿង ឈ្មោះ HAI AU លេខ HQ 265 បានចូលចតកំពង់ផែស្វយ័តក្រុងព្រះសីហនុ កាលពីល្ងាចថ្ងៃទី៥ ខែមេសានេះ ដើម្បីចូលរួមប្រជុំស្ដីពីសកម្មភាពល្បាតរួមលើកទី៣១ រវាងបញ្ជាការដ្ឋានតំបន់៥ កងទ័ពជើងទឹកប្រជាជនវៀតណាម ជាមួយ មូលដ្ឋានសមុទ្រកងទ័ពជើងទឹក នៃកងយោធពលខេមរភូមិន្ទ ជាផ្លូវការនៅមូលដ្ឋានសមុទ្រ ដែលស្ថិតនៅក្នុងឃុំរាម ស្រុកព្រៃនប់ ខេត្ដព្រះសីហនុ រយៈពេល ០៣ថ្ងៃ (ពីថ្ងៃទី៥-៧ ខែមេសា ឆ្នាំ២០២៣)។

លក្ខណៈបច្ចេកទេស នាវាឈ្មោះ HAI AU លេខ HQ 265 មានបណ្ដោយជិត ៥០ម៉ែត្រ ទទឹងជិត ១០ម៉ែត្រ ជម្រៅទឹកជាង ២ម៉ែត្រ ទំងន់ផ្ទុកជាង ៣០០តោន ល្បឿន 32knots=60km/h ចំនួនមនុស្សជាង ៤០នាក់ ដឹកនាំប្រតិភូដោយ ឧត្តមនាវីត្រី NGUYEN DUY TY (ឧ. ង្វៀន ហ្ស៊ីទី) មេបញ្ជាការតំបន់៥ កងទ័ពជើងទឹកប្រជាជនវៀតណាម។