​ចិន៖ ប្រមុខ​សហភាព​អឺរ៉ុប​លោកស្រី Ursula von der Leyen និង​លោក​ប្រធានាធិបតី​បារាំង ​Emmanuel Macron គ្រោង​ជួប​ប្រធានាធិបតី​ចិន​លោក Xi Jinping នៅ​ថ្ងៃ​ព្រហស្បតិ៍​ ទី​៦​មេសា​នេះ​សម្រាប់​ការ​ពិភាក្សា​នានា​ ដែល​អាច​កំណត់​ទិសដៅ​សម្រាប់​ទំនាក់ទំនង​នា​ពេល​អនាគត ​ក្រោយ​ការ​ទំនាក់​ទំនង​ប្រេះ​ស្រាំ​រយៈពេល​ជាច្រើន​ឆ្នាំ​មកនេះ​។​

​លោក Macron ដែល​បាន​ទៅដល់​ទីក្រុង​ប៉េកាំង​កាលពី​ល្ងាច​ថ្ងៃ​ពុធ បាន​ប្រាប់​ក្រុម​អ្នកសារព័ត៌មាន​ថា សហភាព​អឺរ៉ុប​ត្រូវតែ​ទប់ស្កាត់​ចំពោះ​ការ​ថយ​ចុះ​ពាណិជ្ជកម្ម និង​ទំនាក់ទំនង​ការទូត​ជាមួយ​ទីក្រុង​ប៉េកាំង​ ដែល​ខ្វែងគំនិត​គ្នា​ជាមួយ​លោក​ខាង​លិច​ជុំវិញ​បញ្ហា​កោះ​តៃវ៉ាន់ បច្ចេកវិទ្យា និង​ទំនាក់​ទំនង​ជិតស្និទ្ធ​របស់​ចិន​ជាមួយ​រុស្ស៊ី។ ​លោកស្រី Von der Leyen បាន​និយាយ​មុន​ដំណើរ​របស់​លោក​ស្រី​ថា សហភាព​អឺរ៉ុប​ត្រូវតែ​កាត់បន្ថយ​បញ្ហា​ប្រឈម​ក្នុង​ទំនាក់ទំនង​របស់​ខ្លួន​ជាមួយ​ទីក្រុង​ប៉េកាំង ខណៈ​ប្រទេស​ចិន​បាន​ផ្លាស់ប្ដូរ​យុគសម័យ​នៃ​កំណែទម្រង់ និង​ការ​បើក​ចំហរ​ទៅកាន់​គោល​ដៅ​មួយ​នៃ​បញ្ហា​សន្តិសុខ ​និង​ការគ្រប់គ្រង​។​ 

​ទំនាក់ទំនង​របស់​សហភាព​អឺរ៉ុប​ជាមួយ​ចិនបាន​ជូរចត់​ខ្លាំង​ ក្នុង​ពេល​ប៉ុន្មាន​ឆ្នាំ​ថ្មីៗ​នេះ​ភាគច្រើន​ដោយ​សារ​ផល​ប៉ះពាល់​នៃ​ការ​វិនិយោគ​ដែល​បាន​ជាប់​គាំង​ក្នុង​ឆ្នាំ​២០២១ និង​ការ​ច្រាន​ចោល​ការ​ថ្កោល​ទោស​របស់​ទីក្រុង​ប៉េកាំង​លើ​រុស្ស៊ី ជុំវិញ​ការ​វាយ​លុក​របស់​រុស្ស៊ី​លើ​អ៊ុយ​ក្រែ​ន​៕

អត្ថបទ៖ សុខមាន