​អាមេរិក៖ សភា​រដ្ឋ ​Tennessee បាន​បណ្ដេញ​អ្នកនយោបាយ​មកពី​គណបក្ស​ប្រជាធិបតេយ្យ​ ២​នាក់​ដែល​បាន​ដឹកនាំ​ការ​តវ៉ា​ប្រឆាំង​ការគ្រប់គ្រង​អាវុធ ដែល​បាន​ផ្អាក​ដំណើរការ​ច្បាប់​កាលពី​សប្ដាហ៍​មុន។

​នៅ​ក្នុង​ចំណាត់​ការ​ដ៏​កម្រ សភា​គ្រប់គ្រង​ដោយ​គណបក្ស​សាធារណរដ្ឋបាន​បោះឆ្នោត​សំឡេង​គាំទ្រ ​៧២ ទល់នឹង​ការជំទាស់​ ២៥​សំឡេង​ ដើម្បី​បណ្ដេញ​លោក Justin Jones និង​សំឡេង​គាំទ្រ ​៦៩​ ទល់នឹង ​២៦ ដើម្បី​ដក​លោក Justin Pearson​។ ​ប៉ុន្តែ​ការបោះឆ្នោត​បណ្ដេញ​ចេញ​នេះ​បាន​បរាជ័យ ​ចំពោះ​ការ​ដក​តំណាងរាស្ត្រ​ទី​៣ ​មកពី​គណបក្ស​ប្រជាធិបតេយ្យ​លោកស្រី Gloria Johnson ដែល​បាន​ចូលរួម​ការ​តវ៉ា​នោះ​។ ​ក្រុម​អ្នកគាំទ្រ​រាប់​រយ​នាក់​បាន​សម្រុកចូល​ទៅកាន់​វិមាន​កា​ពី​តូ​ល​រដ្ឋ ចាប់​តាំង​ពី​មានការ​បាញ់​ប្រហារ​នៅ​សាលារៀន​មក​។

​ការវាយប្រហារ​កាលពី​ថ្ងៃ​ទី​២៧​មីនា នៅ​សាលារៀន Covenant ក្នុង​ទីក្រុង​ណា​ស្វី​លបាន​សម្លាប់​មនុស្ស ​៦​នាក់ រួម​ទាំង​កុមារ ​៣​នាក់​ផង។ ​ការ​បណ្ដេញ​លោក Jones និង​លោក Pearson បាន​ក្លាយ​ជា​សកម្មភាព​ដំបូង​ដែល​បាន​អនុវត្តន៍​ដោយ​គ្មាន​ការ​គាំទ្រ​ពី​គណបក្ស​ទាំង​២​ នៅ​ក្នុង​ប្រវត្តិសាស្ត្រ​សម័យ​ទំនើប​របស់​រដ្ឋ Tennessee​។ ​សេចក្ដី​សម្រេច​មួយ​ក្នុង​ការ​បណ្ដេញ​លោកស្រី​ Johnson បាន​បាត់​មួយ​សំឡេង​តិច​ជាង​សំឡេង​ភាគច្រើន​ពីរ​ភាគ​បី​ដែល​ត្រូវការ​។ ចំនួន​ដែល​ត្រូវការ​គឺ ៦៥​ ទល់នឹង ​៣០។ អ្នកគាំទ្រ​របស់​លោក​ស្រី​នៅ​ក្នុង​សភា​បាន​អបអរសាទរ​៕​

អត្ថបទ៖ សុខមាន