អនុប្រធានាធិបតីសហរដ្ឋអាមេរិកលោកស្រី Kamala Harris កាលពីថ្ងៃសុក្រ បាន​ប្រមូល​ផ្តុំ​យុវជន ដើម្បី​សុវត្ថិភាពកាំភ្លើងនៅក្នុងរដ្ឋ Tennessee បន្ទាប់​ពី​សមាជិក​សភា​គណបក្ស​ប្រជាធិបតេយ្យ ត្រូវបានបណ្តេញចេញពីសភា នីតិបញ្ញត្តិរដ្ឋ ដោយសារ​ការ​ឈរ​នៅ​ខាង​ក្រុម​បាតុករដែ​ល​ជំរុញឱ្យមានវិធានការគ្រប់គ្រងកាំភ្លើងកាន់តែតឹងរ៉ឹង។

លោកស្រី Harris បានប្រាប់ទៅនិស្សិត នៅសកលវិទ្យាល័យ Fisk ថា មិនអាច​មាន​សំឡេង​ទាំង​​នោះ​នៅ​ក្នុង​បន្ទប់ ដែលពិបាកយល់ឃើញអំពីថា តើអ្នកណាគួរតែនិយាយអ្វី នៅពេលណា និង​នៅ​កន្លែ​ងណា។ សូមបណ្តេញគាត់ចេញ។ មិនត្រឹមតែប៉ុណ្ណឹងទេ ថែមទាំ​ង​ដក​មនុស្ស​ទាំង​នេះ​ចេញ ជាអ្នកដែលត្រូវជាប់ឆ្នោត ដើម្បីតំណាងឲ្យប្រជាជន ហើយ​អនុញ្ញាត​ឱ្យ​យើង​បាន​សម្រេច​ចិត្ត​ថា​អ្នក​ណាគួរតែតំណាងឱ្យប្រជាជន។ អ្វីជាអ្វី? នោះពុំមែនជាលទ្ធិប្រជាធិបតេយ្យនោះទេ។ កាលពីថ្ងៃព្រហស្បតិ៍ ទី ៦ ខែមេសា សមាជិកសភាជាន់ខ្ពស់គណបក្សសាធារណរដ្ឋ នៃរដ្ឋ Tennessee បានបោះឆ្នោតដកតំណាងរាស្រ្តគណបក្សប្រជាធិបតេយ្យ លោក Justin Jones និង​លោក Justin Pearson ជាសមាជិកសភាស្បែកខ្មៅវ័យក្មេងពីររូប ជុំវិញ​បាតុកម្ម​ដែល​ជំរុញ​ឱ្យ​មាន​ច្បាប់កាន់កាប់កាំភ្លើងកាន់តែតឹងរ៉ឹង។ ចំណាត់ការដើម្បីបណ្តេញសមាជិកគណបក្សប្រជា ធិបតេយ្យ​ទី​បី គឺលោកស្រី Gloria Johnson ជាស្ត្រីស្បែក​ស​ដែល​បាន​ឈរ​ជាមួយ​ពួក​គេ​អំឡុង​ពេល​ការ​តវ៉ានៅសភា បានបរាជ័យដោយការបោះឆ្នោតមួយ។ ការជជែកដេញ​ដោល​ដែល​មាន​បក្ស​ពួក​នៅ​ទីក្រុង Nashville កើតមានឡើងបន្ទាប់ពីសិស្សអាយុ ៩ ឆ្នាំ ៣ នាក់ និងមនុស្ស​ពេញ​វ័យ ៣នាក់ បានស្លាប់នៅក្នុងការបាញ់ប្រហារនៅសាលារៀនមួយកន្លែងកាលពីថ្ងៃទី ២៧ ខែមីនា នៅ​ក្នុង​ទីក្រុង ជាការបាញ់ប្រហារធំបំផុតចុងក្រោយ នៅក្នុងសហរដ្ឋអាមេរិក។ អនុប្រធានាធិបតីអាមេរិក លោកស្រី Kamala Harris បានមកដល់ទីក្រុង Nashville រដ្ឋ Tennessee កាលពីថ្ងៃសុក្រ ដើម្បីជួបជាមួយសមាជិកសភារដ្ឋ បន្ទាប់ពី​សមាជិក​សភា​គណបក្ស​ប្រជាធិបតេយ្យពីរ​រូបត្រូវបានបណ្តេញចេញជុំវិញការតវ៉ាការគ្រប់គ្រងកាំភ្លើង ដោយបានបញ្ជាក់​ពី​ការ​ជជែក​ដេញ​ដោលថ្នាក់​ជាតិ​ចុងក្រោយបំផុតស្តីពីជាតិសាសន៍ កាំភ្លើង និងលទ្ធិ​ប្រជាធិបតេយ្យ។