កងនាវាចិន បានល្បាតតាមដៃទន្លេ Minjiang និងតំបន់ជុំវិញដែនទឹកនៃកោះ Matsu កាលពី​ថ្ងៃ​សុក្រ ជាផ្នែកមួយនៃប្រតិបត្តិការបស់រដ្ឋបាលសុវត្ថិភាពដែនសមុទ្រកោះហ្វូជីរួមគ្នា នៅផ្នែកភាគ    កណ្តាល និង​ភាគខាងជើងច្រកសមុទ្រតៃវ៉ាន់។ ប្រតិបត្តិការនេះ បានចាប់ផ្តើមតាំងពីថ្ងៃពុធ មាន​គោល​បំណង​ធានាបាននូវបរិយាកាសការធ្វើនាវាចរ តាមផ្លូវដឹកជញ្ជូនដ៏មមាញឹក ការពារ​ការ​បំពាន​លើកា​រដឹកជញ្ជូន និងជៀសវាងការប៉ះទង្គិចគ្នារវាងនាវាពាណិជ្ជកម្ម និងនាវានេសាទ។ នាវា Haixun 06 ឬ Sea Patrol 06 ដែលជានាវាល្បាតដែនសមុទ្រដ៏ធំមួយគ្រឿង ត្រូវបាន​ដាក់​ពង្រាយ​នៅ​ច្រក​សមុទ្រតៃវ៉ាន់ កំពុងដឹកនាំការល្បាតនេះ។

នៅតំបន់​សម្បូរខ្សាច់សមុទ្រក្បែរកោះ Matsu កងនាវាបានផ្តោត​លើ​ប្រតិបត្តិការ​នៅ​ពេល​យប់​ប្រឆាំង​ការ​បូម​ខ្សាច់ខុសច្បាប់ និងការដឹកជញ្ជូនខ្សាច់សមុទ្រ។ ពួកគេក៏បានត្រួត​ពិនិត្យ​បរិស្ថាន​ការ​ធ្វើ​នាវាចរ​ នៃផ្លូ​វនាវាដឹកអ្នកដំណើរពីរខ្សែ ដែលមួយខ្សែរវាងកោះ Huangqi និង Matsu មួយ​ខ្សែ​ទៀត​រវាង កោះ Mawei និង Matsu ហើយបាន​អម​នាវា​ដឹក​អ្នក​ដំណើរ​ដែល​បាន​ចុះ​បញ្ជី​នៅ​កោះ Matsu តាមផ្លូវទៅកាន់ទីប្រជុំជន Huangqi ក្នុងតំបន់ Lianjiang កោះហ្វូជី។

ផ្លូវ​នាវាដឹកអ្នកដំណើរទាំងនេះ ត្រូវបានធ្វើប្រតិបត្តិការក្រោម បណ្តាញបីតូចៗ ដែលសំដៅ​លើ​បណ្តាញ​សារ​អេឡិចត្រូនិចដោយផ្ទាល់ ការដឹកជញ្ជូន និងបណ្តាញ​ពាណិជ្ជកម្ម​ឆ្លង​កាត់​ច្រក​សមុទ្រ​តៃវ៉ាន់​។