សមាជិកសភាជនជាតិស្បែកខ្មៅនៅរដ្ឋ Tennessee កាលពីថ្ងៃសុក្រ ទី៧ ខែមេសា បានថ្កោល​ទោស​ការ​បណ្តេញសមាជិកសភាស្បែកខ្មៅពីរនាក់ចេញពីសភាតំណាងរបស់រដ្ឋ បន្ទាប់​ពីការ​តវ៉ា​របស់​ពួក​គេចំពោះការបាញ់ប្រហារនៅសាលារៀនក្នុងទីក្រុង Nashville ។ នៅពេលដែលទម្រង់ដាក់វិន័យតិចជាងនេះ រួមមានការរិះគន់ មាននៅក្នុងចំណាត់ការវិសាមញ្ញ សំឡេង​ភាគច្រើន នៃគណបក្សសាធារណរដ្ឋ បានបោះឆ្នោតដកសភាតំណាងរាស្រ្តលោក Justin Jones និងលោក Justin Pearson ជាសមាជិកសភាស្បែកខ្មៅវ័យក្មេងពីររូប សម្រាប់​ការ​បំពាន​អំឡុង​ពេល​បាតុកម្មគ្រប់គ្រងកាំភ្លើងនៅវិមានរដ្ឋកាលពីសប្តាហ៍មុន។

ប្រធាសភាតំណាងរាស្ត្រជនជាតិស្បែកខ្មៅនៅរដ្ឋ Tennessee និយាយ​នៅ​ក្នុង​សន្និសីទ​សារព័ត៌មាន​ថា វាជា​ការ​ចោទ​ប្រកាន់​ដ៏​គួរ​ឱ្យ​ភ្ញាក់​ផ្អើល​មួយ​មក​លើ​សមាជិក​សភា​គណបក្ស​ប្រជាធិបតេយ្យ រដ្ឋ Tennessee ហើយពួកគេគួរតែខ្មាស់​ខ្លួនឯង និង​ការ​ពិត​ដែល​ថា​ពួក​គេ​បន្ត​រក្សា​នៅ​លើ​ឧបករ​ណ៍​ពន្លឿន​នៅ​ពេល​ដែល​ពួក​គេ​ដឹង​ថា​ពិភព​លោក​កំពុង​មើល​ដែល​ពិត​ជា​គ្រាន់​តែ​ជា​ការ​បង្ហាញពីអ្វីដែលគណបក្សសាធារណរដ្ឋមាន។

តំណាង​រាស្រ្តគណបក្សសាធារណរដ្ឋ លោក Andrew Farmer, Gino Bulso និង Bud Hulsey បាន​ដាក់សេចក្តីសម្រេចចំនួន៣ កាលពីថ្ងៃចន្ទ​ ដើម្បី​បណ្តេញ​សមាជិក​សភា​គណបក្ស​ប្រជាធិបតេយ្យ ដោយ​បាន​និយាយ​ថា​ពួក​គេ​បាន​បំពាន​ដោយ​ការ​ដឹកនាំ​បាតុ​កម្ម​នៅ​ក្នុង​បន្ទប់​សភា។ សភាបានបោះឆ្នោត ៧២ ទល់នឹង២៥ សំឡេង តាមជួរគណបក្សដើម្បីដកលោក Jones ហើយ ៦៩ ទល់នឹង២៦សំឡេង ដើម្បីដកលោក Pearson ។ ប៉ុន្តែ លោកស្រី Johnson បាន​រួច​ផុត​ ខណៈការបោះឆ្នោតបណ្តេញលោកស្រីមានសំឡេង ៦៥ទល់នឹង៣០ ។