ភ្នំពេញ ៖ នាថ្ងៃសៅរ៍ ទី០៨ខែមេសា ឆ្នាំ២០២៣ ឯកឧត្តមបណ្ឌិត ម៉ឹង មករា ប្រធានក្រុមការងារជនបង្គោលចុះជួយ ស្រុកជើងព្រៃ ខេត្តកំពង់ចាម តំណាងដ៏ខ្ពង់ខ្ពស់ ឯកឧត្តមបណ្ឌិត ហ៊ុន ម៉ាណែត សមាជិកអចិន្ត្រៃយ៍គណបក្ស និងជាប្រធានយុវជនគណបក្សប្រជាជនកម្ពុជា បានអញ្ជើញជាអធិបតី ក្នុងពិធីសំណេះសំណាល ​ការប្រមាញ់អ្នក​មានទេពកោសល្យ និងពិព័រណ៌ផលិតផលខ្មែរ ដែលមានប្រជាពលរដ្ឋចូលរួមជាង ៥ពាន់នាក់ ក្នុងស្រុកជើងព្រៃ ខេត្តកំពង់ចាម។ កម្មវិធីសំណេះសំណាលនេះ ធ្វើឡើងក្នុងគោលបំណងផ្សព្វផ្សាយនូវ ឧត្តមភាព និង​គម្រូវីរភាពសម្ដេចតេជោ ដែលបានដឹកនាំរំដោះប្រទេសជាតិ ឲ្យរួចផុតពីរបបប្រល័យពូជសាសន៍ ការថែរក្សានូវសុខសន្តិភាព និងការអភិវឌ្ឍន៍ជូនប្រជាជាតិ ជាងបួនទសវត្សមកដល់ពេលបច្ចុប្បន្ននេះ។

ចំពោះកម្មវិធីប្រមាញ់អ្នកមានទេពកោសល្យ និងពិព័រណ៌ផលិតផលខ្មែរ គឺរៀបចំឡើងក្នុង​គោលបំណងលើក​ទឹកចិត្តដល់​ប្រជាពលរដ្ឋ ជាពិសេសយុវជននៅតាមភូមិឃុំ ឲ្យមានឱកាសបញ្ចេញនូវសមត្ថភាព និងទេពកោសល្យ​របស់ខ្លួន ដើម្បីរួមចំណែកលើកស្ទួយនូវវប្បធម៌ជាតិ និងធនធានមនុស្សដែលមិនអាចនឹកស្មានដល់ និងបង្ហាញនូវ​ផលិតផល​ដែលបានកែច្នៃ និងផលិតឡើងដោយស្នាដៃកូនខ្មែរ និងចរាចរណ៌នៅលើទីផ្សារ ក្នុងអត្ថន័យ "ខ្មែរអាចធ្វើបាន"។

ចំពោះកម្មវិធីប្រមាញ់អ្នកមានទេពកោសល្យ និងពិព័រណ៌ផលិតផលខ្មែរ គឺរៀបចំឡើងក្នុងគោលបំណងលើក​ទឹកចិត្ត​ដល់ប្រជាពលរដ្ឋ ជាពិសេសយុវជននៅតាមភូមិឃុំ ឲ្យមានឱកាសបញ្ចេញនូវសមត្ថភាព និងទេពកោសល្យរបស់ខ្លួន ដើម្បីរួមចំណែកលើកស្ទួយនូវវប្បធម៌ជាតិ។ ចំពោះការបង្ហាញនូវកសិផល និងផលិតផល ភូមិមួយផលិតផលមួយ រៀបចំឡើងក្នុងគោលបំណងចូលរួមចំណែកជួយជំរុញឲ្យអ្នកផលិតកសិផល និងអ្នកទិញកសិផលក្នុងស្រុកមាន​ទីផ្សារទិញលក់កសិផលខ្មែរឲ្យកាន់តែទូលំទូលាយដោយផ្ដោតលើគុណភាពជាចម្បង ដែលមិនអាចនឹកស្មានដល់ "ខ្មែរអាចធ្វើបាន"។

ឯកឧត្តមបណ្ឌិត ម៉ឹង មករា បានថ្លែងថា "អ្វីៗអាចសម្រេចទៅបាន គឺមកពីកត្តាមនុស្សជាចម្បង មនុស្សជាអ្នកគិត មនុស្សជាអ្នកធ្វើ បើយើងមានធនធានមនុស្ស ប្រទេសជាតិយើងនឹងមានសុខសន្តិភាព និងការអភិវឌ្ឍន៍រីកចម្រើន"។

ឯកឧត្តមបណ្ឌិត ហ៊ុន ម៉ាណែត បានឧបត្ថម្ភថវិកាដល់ប្អូនៗយុវជន ដែលបានសំដែងទេពកោសល្យរបស់ខ្លួន និងបានឧបត្ថម្ភនូវត្រាក់ទ័រកសិកម្ម ១គ្រឿង តម្លៃ ៧៧.៩០០.០០០រៀល ដល់ "សហគមន៍កសិករសែនជ័យ" ដើម្បីប្រើប្រាស់ក្នុងគោលបំណង ជួយជម្រុញវិស័យកសិកម្មក្នុងស្រុកជើងព្រៃ ឱ្យកាន់តែមានសក្ដានុពល និងកាលានុវត្តភាពនៃការធ្វើពាណិជ្ជូបនីយកម្មកសិកម្ម ដើម្បីធានាបាននូវសន្តិសុខស្បៀង បង្កើនប្រាក់ចំណូល និងលើកស្ទួយជីវភាពសេដ្ឋកិច្ចគ្រួសារប្រជាពលរដ្ឋឲ្យកាន់តែប្រសើឡើង។

ឯកឧត្តមបណ្ឌិត ម៉ឹង មករា បានពាំនាំការសួរសុខទុក្ខ និងការនឹករលឹកពី ឯកឧត្តមបណ្ឌិត ហ៊ុន ម៉ាណែត ជូនចំពោះ​ប្រជាពលរដ្ឋទាំងអស់ ដែលមានវត្តមានក្នុងកម្មវិធីនេះ។ ឯកឧត្តមបណ្ឌិត ម៉ឹង មករា ក៏បាន​សំណេះសំណាល ​និងពន្យល់ដល់ប្រជាពលរដ្ឋ អំពីសារៈសំខាន់នៃការចូលរួមជីវភាព​ជាមួយ​គណបក្សប្រជាជនកម្ពុជា ដែលជា​គណបក្សធំជាងគេ មានសមាជិកច្រើនជាងគេ មានគោលនយោបាយច្បាស់លាស់ និងមានសក្តានុពលភាពជាងគេ ក្នុងការគ្រប់គ្រង ដឹកនាំ និងកសាងប្រទេសជាតិ ឱ្យមានសុខសន្តិភាព និងការអភិវឌ្ឍជានិរន្ត។ ជោគវាសនាដ៏ល្អនៃប្រទេសកម្ពុជា ដែលទទួលបានជាងបួនទសវត្សរ៍កន្លងមកនេះ ក៏ដោយសារ ឧត្តមភាពរបស់​គណបក្សប្រជាជន ដែលមានវីរជនដ៍ឆ្នើមជាច្រើនរូប ដែលបានធ្វើពលិកម្មគ្រប់សព្វបែបយ៉ាង ដើម្បីបុព្វហេតុជាតិ​មាតុភូមិ ជាពិសេស សម្ដេចអគ្គមហាសេនាបតីតេជោ ហ៊ុន សែន ជាស្នូលដឹកនាំ ជាសសរទ្រូងដ៏រឹងមាំ​របស់​គណបក្សប្រជាជនកម្ពុជា និងជាអគ្គមគ្គុទ្ទេសដ៏ឆ្នើមនៃប្រជាជនកម្ពុជា ដែលបានដឹកនាំប្រទេស​ប្រកប​ដោយ​គតិបណ្ឌិត ភាពឈ្លាសវៃ និងភាអង់អាច សម្រេចបានជោគជ័យដ៏ត្រចះត្រចង់បំផុតជូនជាតិមាតុភូមិ និងប្រជាជន។

ក្នុងឱកាសនោះដែរ ក៏មានការចាក់បញ្ចាំងវីដេអូឯកសារ ស្តីពី "ឧត្តមភាពរបស់ សម្តេចតេជោ និង ឯកឧត្តមបណ្ឌិត ហ៊ុន ម៉ាណែត" ដោយបង្ហាញអំពីមហាវីរភាពរបស់ សម្តេចតេជោ ក្នុងការយកជីវិតទៅប្តូរ តស៊ូរំដោះជាតិ ការកសាងប្រទេសជាតិឱ្យមានការអភិវឌ្ឍន៍រីកចម្រើនដល់សព្វថ្ងៃ និង នាំយកសុខសន្តិភាពពេញលេញ ជូនជាតិនិង​ប្រជាពលរដ្ឋ។ ឯកឧត្តមបណ្ឌិត ហ៊ុន ម៉ាណែត បុត្រច្បងរបស់សម្តេចតេជោ និងជាកុលបុត្រដ៏ឆ្នើម​របស់ប្រទេសជាតិ ពោរពេញដោយចំណេះដឹងខ្ពង់ខ្ពស់ មានទេពកោសល្យជាអ្នកដឹកនាំដោយគំរូ ភាពប៉ិនប្រសព្វពីកំណើត និង​សមត្ថភាព​ពេញ​លេញ ក្នុងការដឺកនាំ និងកែទម្រង់ប្រព័ន្ធគ្រប់គ្រង់វិស័យការពារជាតិឱ្យមានភាពរឹងមាំ និងមាន​ប្រសិទ្ធិភាពខ្ពស់។ សមត្ថភាពក្នុងការគ្រប់គ្រង់ប្រទេសជាតិពេលមានវិបត្តិជម្ងឺកូវីដ-១៩ បានជួយសង្គ្រោះជីវិត​ប្រជាពលរដ្ឋកម្ពុជា និងមានភាពល្បីល្បាញ ទទួលស្គាល់លើឆាកអន្តរជាតិ។ ការរៀបចំរចនាសម្ព័ន្ធយុវជនគណបក្ស និងក្រុមចលនាយុវជនតាមមូលដ្ឋាន ដើម្បីធានាឲ្យមានការអភិវឌ្ឍន៍ជនបទដល់គ្រប់ទីកន្លែង។ វីរភាពទាំងនេះ

​បញ្ជាក់បានថា ឯកឧត្តមបណ្ឌិត ហ៊ុន ម៉ាណែត ពិតជាបេក្ខភាពសក្តិសមឥតខ្ចោះ ដែលត្រូវបាន​គណបក្សបោះឆ្នោត​ជ្រើសរើសជា បេក្ខភាពនាយករដ្ឋមន្ត្រីបន្តវេន នាពេលអនាគត។

ក្រុមការងារជនបង្គោលចុះជួយស្រុកជើងព្រៃ ខេត្តកំពង់ចាម ក្រោមការដឹកនាំរបស់ ឯកឧត្ដមបណ្ឌិត ម៉ឹង មករា និងការចង្អុលបង្ហាញដោយផ្ទាល់ពី ឯកឧត្ដមបណ្ឌិត ហ៊ុន ម៉ាណែត ក្រុមការងារបានរួមចំណែកយ៉ាងច្រើន ក្នុងការ​ជួយដល់កិច្ចការមនុស្សធម៌ មានដូចជា វិស័យសុខាភិបាល វិស័យអប់រំ វិស័យកសិកម្ម និងការកសាង​ហេដ្ឋារចនាសម្ព័ន្ធ​ ជូនប្រជាពលរដ្ឋនៅជនបទរួមមាន ផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រលាយទឹក ស្រះទឹក ព្រមទាំងហេដ្ឋារចនាសម្ព័ន្ធផ្សេងៗឯទៀត ដើម្បីរួមចំណែកជា​មួយ​រាជរដ្ឋាភិបាលក្នុងការកាត់បន្ថយភាពក្រីក្ររបស់ប្រជាពលរដ្ឋនៅជនបទ៕ ដោយ ៖ កុម្ភះ