នគរបាលនិយាយថា មនុស្ស ៤នាក់បានស្លាប់ នៅពេល​បុគ្គលិកធនាគារ​ម្នាក់​បើកការ​បាញ់​ប្រហារ​នៅ​ក្នុង​ធានាគារមួយក្នុងទីក្រុង ល្វីស្វីល (Louisville) រដ្ឋខិនថាក់គី (Kentucky) និង​បាន​ផ្សាយ​ផ្ទាល់ពី​កា​រវាយប្រហារនោះ នៅលើបណ្ដាញសង្គម Instagram។ 

ជន​​រងគ្រោះទាំងនោះមានវ័យចន្លោះ ៤០ឆ្នាំ និង៦៤ឆ្នាំ ។ ក្នុង​ចំណោម​អ្នក​របួស ៩​នាក់​មាន​ម្នាក់​ជា​មន្ត្រីនគរបាលទើបចូលបម្រើការងារ ដែលទើបបញ្ចប់ការបណ្ដុះបណ្ដាលក្នុងកងកម្លាំង ២​សប្ដាហ៍​កន្លងទៅ។ មន្ត្រីរូបនេះ ត្រូវបានបាញ់ចំក្បាល និងនៅតែមានសហភាពធ្ងន់ធ្ងរ បន្ទាប់ពីវះកាត់ខួរក្បាល។

នគរបាល​បាន​ឆ្លើយតបរយៈពេល៣នាទី និងបានបាញ់​សម្លាប់​ខ្មាន់​កាំ​ភ្លើង​ក្នុង​ពេល​កំពុង​បាញ់​តប​ត​។

ការបាញ់បោះដោយសេរីនេះ បានកើតឡើងនៅធនាគារ Old National Bank នៅកណ្ដាលទីក្រុង នៅ​ម៉ោងប្រហែល៨និង៣០នាទី ម៉ោងនៅសហរដ្ឋអាមេរិក។ 

សាក្សី​ឃើញហេតុការណ៍បានប្រាប់សារព័ត៌មានក្នុងស្រុកថា ប្រពន្ធរបស់លោក ជាបុគ្គលិក​នៅ​ធនាគារ​ដែល​មានករណីបាញ់ប្រហារកើតឡើង បានចាក់សោរ​ខ្លួន​នៅ​ក្នុងប​ន្ទប់​មួយ​នៅ​ពេល​ខ្មាន់​កាំភ្លើ​ងចា​ប់ផ្ដើមបាញ់រះ។

អភិបាលរដ្ឋ Kentucky លោក Andy Beshear បាននិយាយថា មិត្តល្អរបស់លោក ឈ្មោះ Tommy Elliot ដែលជាប្រធានជាន់ខ្ពស់នៅធនាគារនោះ ស្ថិតក្នុង​ចំណោម​ជនរង​គ្រោះ​ទាំង​នោះ​ដែរ​។

ជន​ល្មើសមានឈ្មោះថា Connor Sturgeon វ័យ២៣ឆ្នាំ ដែលនគរបាលនិយាយថា ជនសង្ស័យ​រូប​នេះ​បាន​ប្រើកាំភ្លើងវែងមួយដើម ក្នុងឧបទ្ទវហេតុនេះ និងបានផ្សាយ​ផ្ទាល់​ការ​បាញ់​ប្រហារ​របស់​គេ​នៅ​លើ onlineទៀតផង៕