អន្ដរជាតិ៖ ប្រទេសកម្ពុជាបានបញ្ចូនជនជាតិជប៉ុនចំនួន ១៩ នាក់ដែលសង្ស័យថាជាប់ពាក់ព័ន្ធនឹងការឆបោកតាមទូរស័ព្ទ និងតាមអ៊ីនធឺណិតទៅប្រទេសជប៉ុននៅថ្ងៃអង្គារ (១១ មេសា)។

ក្រសួងមហាផ្ទៃរបស់ព្រះរាជាណាចក្រម្ពុជាបានឲ្យដឹងថា បុរសជនជាតិជប៉ុនទាំង១៩នាក់នោះ ត្រូវបានឃាត់ខ្លួន ក្នុងប្រតិបត្តិការរបស់សមត្ថកិច្ច នៅភាគខាងត្បូងក្រុងព្រះសីហនុកាលពីចុងខែមករា។ បន្ទាប់មកពួកគេត្រូវបានបញ្ជូនមករាជធានីភ្នំពេញ និងត្រូវបានឃុំខ្លួនរហូតដល់ការបញ្ចូនទៅប្រទេសជប៉ុន។

នគរបាលបានទៅដល់អាកាសយានដ្ឋានអន្តរជាតិភ្នំពេញនៅរសៀលថ្ងៃអង្គារ បន្ទាប់ពីជនសង្ស័យត្រូវបានផ្ទេរពីរថយន្តក្រុងនគរបាលទៅកាន់ជើងហោះហើរម៉ាឡេស៊ីអ៊ែរឡាញ ដែលនឹងបញ្ចូនពួកគេត្រឡប់ទៅប្រទេសជប៉ុនវិញ។ អ្នកនាំពាក្យនគរបាលជាតិកម្ពុជា លោក ឆាយ គឹមឃឿន បានបញ្ជាក់ថា ជនសង្ស័យទាំង ១៩នាក់ កំពុងធ្វើដំណើរតាមយន្តហោះទៅប្រទេសជប៉ុន។

យោងតាមរបាយការណ៍របស់ប្រព័ន្ធផ្សព្វផ្សាយជប៉ុន នគរបាលទីក្រុងតូក្យូបានទទួលដីកាចាប់ខ្លួនជនសង្ស័យទាំង 19 នាក់នេះ។ ប្រព័ន្ធផ្សព្វផ្សាយកម្ពុជាបានរាយការណ៍ថា ដីកាចាប់ខ្លួនត្រូវបានចេញបន្ទាប់ពីពលរដ្ឋជប៉ុនត្រូវបានគេកំណត់គោលដៅក្នុងប្រតិបត្តិការឆបោក។