ក្រុមវេជ្ជបណ្ឌិតដែលមានបទពិសោធន៍នៅក្នុងប្រទេសអង់គ្លេស បានចាប់ផ្ដើមធ្វើកូដកម្មរយៈពេល៤ថ្ងៃ គិតចាប់ពីតាំងពីថ្ងៃអង្គារទី១១មេសានេះ ជុំវិញប្រាក់បៀវត្សរ៍ដែលទំនងជា បង្កឲ្យមានការរំខានដែលមិនធ្លាប់មានចំពោះសេវាសុខភាព ដោយជំរុញរដ្ឋាភិបាលព្រមានពីហានិភ័យចំពោះសុវត្ថិភាពអ្នកជំងឺ។

វេជ្ជបណ្ឌិតដែលមានបទពិសោធន៍រាប់ម៉ឺននាក់ ជាក្រុមគ្រូពេទ្យប្រកបដោយ​គុណវុឌ្ឍធិ​ ដែលមានចំនួនជិតពាក់កណ្ដាលនៃ ។

កម្លាំងការងាផ្នែកវេជ្ជសាស្រ្ដ បានធ្វើកូដកម្មទាមទារដំឡើងប្រាក់បៀវត្សរ៍ឲ្យបានប្រសើ​ឡើងដើម្បី​ស្របទៅនឹងអតិផរណា​ ជាការរំខានចុងក្រោយបង្អស់ ដែលនឹងធ្វើឲ្យប៉ះពាល់សេវាសុខភាព​សាធារណៈដែលផ្ដល់មូលនិធិដោយរដ្ឋ។

សមាគមន៍វេជ្ជសាស្រ្ដអង់គ្លេស ឬ(BMA) ជាសហជីពតំណាងឲ្យក្រុមវេជ្ជបណ្ឌិត ចង់ឲ្យដំឡើង​ប្រាក់​បៀវត្សរ៍ ៣៥% ដោយអះអាងថា ក្រុមសមាជិក បានទទួលការឈឺចាប់រួចមកហើយ ដោយសារតែ​ប្រាក់របស់ពួកគេត្រូវបានកាត់អស់២៦% អស់រយៈពេល១៥ឆ្នាំកន្លងទៅនេះ។

ប្រធានផ្នែកវេជ្ជសាស្រ្ដជាតិរបស់ប្រទេសអង់គ្លេស ​លោកស្ទេហ្វិន ផោវីស បាននិយាយថា កូដកម្មលើកនេះ នឹងមិនឈានដល់កម្រិតរំខានធ្ងន់ធ្ងរទេ និងបានសម្ដែងការព្រួយបារម្ភអំពីផល​ប៉ះពាល់ធ្ងន់ធ្ងរដល់អ្នកជំងឺ និងការផ្ដល់សេវានានានៅទូទាំងប្រទេស៕អត្ថបទ៖ មករា