យោងតាមឯកសារមួយក្នុងចំណោមឯកសារដែលបានលេចធ្លាយជាច្រើននៅតាម online ចក្រភព​អង់គ្លេស​ស្ថិតក្នុងចំណោមនៃបណ្ដាប្រទេស ដែលមានកងកម្លាំងយោធាពិសេស កំពុងធ្វើប្រតិបត្តិការនៅក្នុងប្រទេសអ៊ុយក្រែន ។

ឯកសារនេះ បញ្ជាក់ពីអ្វីដែលជាប្រធានបទនៃការប៉ាន់ប្រមាណបែប​ស្ងៀមស្ងាត់​រយៈពេលជាងមួយឆ្នាំមកនេះ។

ឯកសារដែលបានលេចធ្លាយមានមួយចំនួនបានដាក់សញ្ញាសម្គាល់ថា ជាព័ត៌មានអាថ៌កំបាំងបំផុត ពណ៌នា​លម្អិត​ពីសង្រ្គាមនៅក្នុងប្រទេសអ៊ុយក្រែន រួមទាំងការសរសេរយ៉ាង​លម្អិតនៃការរៀបចំ​របស់​អ៊ុយក្រែន​សម្រាប់ការវាយបកនៅនិទាឃរដូវ ។ រដ្ឋាភិបាលសហរដ្ឋអាមេរិក​និយាយថា ខ្លួនកំពុងស៊ើបអង្កេត​ពីប្រភពដែលនាំឲ្យលេចធ្លាយឯកសារនោះ។

យោងតាមឯកសារ ​ដែលបានដាក់​កាលបរិច្ឆេទ កាល​ពីថ្ងៃទី២៣មីនា​ ចក្រភពអង់គ្លេស ​មានជាប់​ពាក់ព័ន្ធ​ធំបំផុត​នៃកងកម្លាំងពិសេសនៅក្នុងប្រទេសអ៊ុយក្រែន​ ចំនួន៥០នាក់ ​ បន្ទាប់មករដ្ឋជា​សមាជិកណាតូគឺ ឡាតវី មាន១៧នាក់ បារាំង មាន១៥នាក់ អាមេរិក ​មាន១៤នាក់ និង​ហូឡង់មានម្នាក់។ ​ឯកសារដែលបានលេចធ្លាយនោះ ពុំបាននិយាយទេ ថាទីតាំងរបស់កងកម្លាំងទាំងនោះ នៅកន្លែងណា ឬ ពួកគេកំពុងធ្វើអ្វី៕