មួយថ្ងៃបន្ទាប់ពីប្រទេសចិន បានវាយប្រហារស៊ីបគោលដៅរួមគ្នាប្រដូចការពិតមកលើកោះតៃវ៉ាន់ អំឡុងពេលធ្វើសមយុទ្ធយោធានៅជុំវិញកោះនេះ រដ្ឋមន្ត្រីការបរទេសកោះតៃវ៉ាន់ លោក Joseph Wu បានថ្កោលទោសសកម្មភាពរបស់ទីក្រុងប៉េកាំង នៅក្នុងបទសម្ភាសន៍ផ្តាច់មុខជាមួយទូរទស្សន៍ CNN ហើយបានព្រមានថា ចិនហាក់ដូចជាកំពុងព្យាយាមត្រៀមខ្លួនចាប់ផ្តើមសង្គ្រាម មកលើកោះតៃវ៉ាន់។

លោក Wu និយាយថា «​ក្រឡេក​មើលសមយុទ្ធយោធា និងវោហារសាស្ត្ររបស់ចិន ពួកគេហាក់ដូចជាកំពុងព្យាយាមត្រៀមខ្លួនដើម្បីចាប់ផ្តើមសង្រ្គាមមកលើកោះតៃវ៉ាន់»។ រដ្ឋាភិបាលកោះតៃវ៉ាន់ មើលឃើញការ​គំរាមកំហែង​ពីយោធាចិនថា ជារឿងមួយដែលពុំអាច​ទទួលយកបាន ​ហើយយើងថ្កោលទោសសកម្មភាពនេះ។ នៅពេលត្រូវបានសួរថាតើកោះតៃវ៉ាន់ បានដឹងអំពីការកំណត់ពេលវេលានៃសកម្មភាពយោធារបស់ចិនដ៏មានសក្តានុពលដែរឬទេ តាមរយៈការវាយតម្លៃពីការស៊ើបការណ៍សម្ងាត់របស់សហរដ្ឋអាមេរិកដែលលោក ស៊ី ជីនពីង ប្រធានាធិបតីចិន ​បានណែនាំយោធារបស់លោកឱ្យត្រៀមខ្លួននៅឆ្នាំ ២០២៧នោះ លោកWu បានបង្ហាញពីទំនុកចិត្តលើការរៀបចំរបស់កោះតៃវ៉ាន់។

លោកនិយាយថា មេដឹកនាំចិននឹងគិតទ្វេដងមុនពេលពួកគេសម្រេចចិត្តប្រើ​កម្លាំងមក​លើ​កោះតៃវ៉ាន់។ ហើយមិនចំពោះថានៅឆ្នាំ ២០២៥ ឬ ឆ្នាំ២០២៧ ​ឬលើសពីនេះនោះទេ កោះតៃវ៉ាន់​ត្រូវតែត្រៀមខ្លួនជាស្រេច។

សមយុទ្ធនេះ បានហាក់បញ្ជាក់ជាលើកដំបូងដែលថា​កងទ័ពជើងទឹកចិនបានវាយប្រហារ​ប្រដូចការពិត​ដោយយន្តហោះចម្បាំងមានមូលដ្ឋានលើនាវាផ្ទុកយន្តហោះមកលើកោះតៃវ៉ាន់។

ទីក្រុងប៉េកាំងបាចាត់ទុកសមយុទ្ធថាជា ការព្រមានខ្លាំងៗប្រឆាំងការ​ឃុបឃិត​របស់​កង​កម្លាំងផ្តាច់ខ្លួន​កោះតៃវ៉ាន់​ជាមួយកង​កម្លាំង​ខាងក្រៅ ​និងជា​ចំណាត់ការចាំបាច់ដើម្បីការពារ​អធិបតេយ្យ​ភាពជាតិ និងបូរណភាពទឹកដី។