តាកែវ៖ ឯកឧត្តម ជា វ៉ាន់ដេត ប្រធានក្រុមការងារចុះជួយស្រុកបាទី នៅព្រឹកថ្ងៃទី ១២ ខែមេសា ឆ្នាំ២០២៣នេះ បានអញ្ជើញបើកកម្មវិធីសង្រ្កាន្តភូមិ ដើម្បីទទួលទេវតាឆ្នាំថ្មីប្រពៃណីខ្មែរ ខណៈកម្មវិធីនេះក៏មានការចូលរួមពីឯកឧត្តម គី តិច ប្រធានក្រុមការងារចុះជួយឃុំក្រាំងធ្នង់។

កម្មវិធីសង្ក្រានភូមិក្រាំងធ្នង់នេះ រៀបចំឡើងដោយឯកឧត្តម ឈិត បូរ៉ាវុធ អនុប្រធានក្រុមការងារ​ចុះជួយ​ឃុំក្រាំងធ្នង់ ហើយទទួលបន្ទុកភូមិក្រាំងធ្នង់ និងសមាជិកមេធាវីចុះជួយភូមិក្រាំងធ្នង់​រួមជាមួយ​សមាជិកក្រុមមេធាវីរារដ្ឋាភិបាលចុះជួយឃុំក្រាំងធ្នង់ បងប្អូនប្រជាពលរដ្ឋនៅភូមិ.ឃុំក្រាំងធ្នង់ទាំងមូលផងដែរ។

សង្រ្កាន្តភូមិ ដែលស្ថិតនៅភូមិក្រាំងធ្នង់ ឃុំក្រាំងធ្នង់ ស្រុកបាទីខេត្តតាកែវនេះ​ ក៏មានការៀបចំ​សម្តែង​របាំត្រុដិ​ផងដែរ ដើម្បីអបអរសាទរ​នៅក្នុងឱកាសបុណ្យចូលឆ្នាំថ្មីប្រពៃណី​ខ្មែរ ឆ្នាំ ថោះ ដែលនឹងចាប់ផ្តើមចាប់ពីថ្ងៃទី១៤ ដល់ថ្ងៃទី១៦ ខែមេសាខាងមុខនេះ។

ការរៀបចំពិធីសម្ដែងរបាំឆៃយ៉ាំ និងរបាំត្រុដិនេះ ក៏ដើម្បីបណ្ដេញឧបទ្រពចង្រៃនៅក្នុងឆ្នាំចាស់ និង​នាំមកនូវការរីកចម្រើន សុភមង្គល ព្រមទាំងទទួលបាននូវភាពជោគជ័យ ចំពោះបងប្អូន​ប្រជាពលរដ្ឋ​ខ្មែរ​នៅភូមិ ​ឃុំក្រាំងធ្នង់ ក៏ដូចជាប្រទេសខ្មែរទាំងមូលសម្រាប់ឆ្នាំថ្មីនេះផងដែរ។

ថ្លែងនៅក្នុងឱកាសបើកសង្រ្កាន្តភូមិននោះ ឯកឧត្តម ជា វ៉ាន់ដេត បានលើកឡើងថា ការដែលបង ប្អូនប្រជាពលរដ្ឋមានឱកាសជួបជុំគ្នារាំលេង និងលេងល្បែងប្រពៃណីកំសាន្ត​នាពេលនេះ គឺដោយ​សារតែ​ ប្រទេសមានសុខសន្តិភាព​ និងការអភិវឌ្ឍ ខណៈប្រទេសមានការអភិវឌ្ឍ​គឺដោយសារតែការ​ដឹកនាំរបស់​គណបក្សប្រជាជនកម្ពុជា ​ដែលមានសម្តេចតេជោ ហ៊ុន សែន ​នាយករដ្ឋមន្រ្តីនៃកម្ពុជា ជាមគ្គុទេសឯក។

ជាមួយគ្នានោះដែរឯកឧត្តម គី តិច ប្រធានក្រុមការងារចុះជួយឃុំក្រាំងធ្នង់ ក៏បានលើកឡើងផងដែរ​អំពីភាពរីកចំរើនរបស់ប្រទេសកម្ពុជា​នាពេលបច្ចុប្បន្ននេះ ​ហើយឯកឧត្តម ក៏បានរំលឹកដល់បងប្អូន​ប្រជាពលរដ្ឋនៅឃុំក្រាំង ធ្នង់ ក៏ដូចជានៅស្រុកបាទីខេត្តតាកែវទាំងអស់​ត្រូវរួមគ្នាបន្តថែរក្សា​សុខ​សន្តិភាពនេះឲ្យខាងតែបាន ​ហើយដើម្បីមានសុខសន្តិភាព​ និងការអភិវឌ្ឍនេះ គឺយើងទាំងអស់​គ្នាត្រូវបន្តគាំទ្រដល់គណបក្សប្រជាជនកម្ពុជា។ មានគណបក្សប្រជាជនកម្ពុ ជាគឺមានអ្វីៗទាំងអស់។

យ៉ាងណាក៏ដោយឯកឧត្តម គី តិច ក៏បានក្រើនរំលឹកដល់បងប្អូនទាំង​អស់មិនថា នៅស្រុកបាទី នោះទេ ​ក៏ត្រូវមានការប្រុងប្រយ័ត្នខ្ពស់ផងដែរ ចំពោះការធ្វើដំណើរត្រូវនាំគ្នាគោរពច្បាប់ចរាចរណ៍​ឲ្យបានគ្រប់ៗគ្នា ​ដោយការបើកបរយត្រូវគោរពច្បាប់​ពិន័យ ​និង​អធ្យាស្រ័យដោយខ្លួនឯង​ជា​ជាង​ត្រូវ​នគរបាលវាស់ល្បឿន និងចាប់ផាកពិន័យ។

សូមបញ្ជាក់ថា សង្រ្កាន្តភូមិក្រាំងធ្នង់ ដែលរៀបចំយ៉ាងឱឡារឹកនេះ គឺនឹងបើកឲ្យបងប្អូនមកពីគ្រប់​ទិស​ទីលេងសប្បាយល្បែង​ប្រជាប្រិយប្រពៃណីខ្មែរ​រយៈពេលបីថ្ងៃ ហើយក្រៅពីល្បែងប្រជាប្រិយ​ក៏​មាន​ការ​ប្រគំតន្ត្រី (អកកេះកន្តង់) ផងដែរ ​ដែលជាការ​ឧបត្ថម្ភពី​ឯកឧត្តម ​ឈិត បូរ៉ាវុធ និង​ក្រុមការងារចុះជួយភូមិ ​ឃុំនិងស្រកបាទីទាំងមូល ផងដែរ៕អត្ថបទ៖ បាន ចក់