អ្នកតវ៉ាម្នាក់ដែលបានរត់សំដៅទៅកាន់លោកប្រធានាធិបតីបារាំង Emmanuel Macron អំឡុងដំណើរទស្សនកិច្ចរបស់លោកទៅកាន់ប្រទេសហូឡង់ កាលពីថ្ងៃពុធត្រូវបានចាប់ផ្ដួលទៅលើដីដោយក្រុមមន្ត្រីសន្តិសុខ។

ឧបទ្ទវហេតុ ខណៈលោក Macron បានទៅដល់ព្រឹត្តិការណ៍មួយនៅបរិវេណសាកលវិទ្យាល័យវិទ្យាសាស្ត្រអាមស្ទើដាម គឺជាថ្ងៃទី២ជាប់គ្នានៃដំណើរទស្សនកិច្ចផ្លូវរដ្ឋរបស់លោក ត្រូវបានរំខានដោយក្រុមអ្នកតវ៉ាបន្ទាប់ពីការបាតុកម្មជាច្រើនសប្ដាហ៍នៅក្នុងប្រទេសបារាំង ប្រឆាំងនឹងច្បាប់កំណែទម្រងសោធននិវត្តន៍មិនសូវមានការគាំទ្ររបស់លោក។

បុរសរូបនោះបានស្រែកជាភាសាបារាំង ខណៈរូបគេត្រូវបានផ្ដួលលើដីនៅខាងក្រៅ ប៉ុន្តែមានសូរសៀង ដូចជាបទចម្រៀងដ៏ពេញនិយមក្នុងការតវ៉ាប្រឆាំង​កំណែ​ទម្រង់សោធននិវត្តន៍នេះ ដោយនិយាយថា យើងនៅទីនេះ យើងនឹងនៅទីនេះ ទោះបីជាលោក Macron មិនចង់ឲ្យយើងនៅទីនេះក៏ដោយ។

លោក Macron បានតតាំងដើម្បីធ្វើឲ្យរូបលោកបានលឺសំឡេងបុរសម្នាក់ដែលបានស្រែក​អំពី​លទ្ធិប្រជាធិបតេយ្យរបស់បារាំង កំពុងបាត់បង់ អំឡុងព្រឹត្តិការណ៍មួយកាលពីថ្ងៃអង្គារមុនបន្ត​សុន្ទរកថា​របស់លោកលើអំពីអធិបតេយ្យភាពរបស់អឺរ៉ុប។

ខណៈការផ្ទុះកំហឹងប្រឆាំងគោលនយោបាយក្នុងប្រទេសរបស់លោក ​ក្រោយលោក Macron ទៅដល់​ប្រទេសហូឡង់ ប្រធានាធិបតីបារាំងរូបនេះក៏កំពុងប្រឈមការរិះគន់ផងដែរពីសហភាពអឺរ៉ុប និងសម្ព័ន្ធមិត្តអាមេរិក ជុំវិញគោលនយោបាយការបរទេសរបស់លោក។

ក្រុមមន្ត្រីបារាំងកំពុងជួបការលំបាកខ្លាំងក្នុងការគ្រប់គ្រងស្ថានការដែលបានរងការប៉ះពាល់ ខណៈពួកគេព្យាយាមទប់កំហឹង ការបែកបាក់គ្នា និងការភន្តច្រឡំបង្កឡើង​ដោយការ​អត្ថាធិប្បាយ​របស់លោក Macron កាលពីសប្ដាហ៍មុន ស្ដីពីការកាត់បន្ថយការពឹងពាក់​របស់​អឺរ៉ុបលើ​សហរដ្ឋអាមេរិក ​និងទំនាក់ទំនងរបស់ខ្លួនជាមួយចិន និងកោះតៃវ៉ាន់៕