នៅថ្ងៃព្រហស្បតិ៍ (ទី១៣ ខែមេសា) អ្នកដំណើរតាមរថភ្លើងនៅទីក្រុង Sapporo ភាគខាងជើងប្រទេសជប៉ុន ត្រូវបានពន្យារពេល បន្ទាប់ពីការបាញ់ស៊ីលរបស់កូរ៉េខាងជើង បានជំរុញឲ្យប្រតិបត្តិករផ្លូវរថភ្លើងJR Hokkaido ផ្អាកចរាចរណ៍ដើម្បីត្រួតពិនិត្យសុវត្ថិភាពនៅលើបណ្តាញផ្លូវដែក។

ផ្ទាំងអេក្រង់នានានៅបរិវេណស្ថានីយ បានប្រាប់អ្នកដំណើរដែលកំពុងរង់ចាំនោះថា ចរាចរណ៍ រថភ្លើង នឹងបន្តឡើងវិញនៅពេលមានការបញ្ជាក់ថា គ្រាប់មីស៊ីលមិនបានបំផ្លាញបណ្តាញផ្លូវរថភ្លើងនោះ។

ការបាញ់មីស៊ីលនៅព្រឹកថ្ងៃព្រហស្បតិ៍នេះ បានបង្កឱ្យមានការព្រមានអំពីការ ជម្លៀសអ្នកស្រុក​នៅ​ភាគខាងជើងនៃកោះហុកកៃដូ ​បន្ទាប់ពីប្រព័ន្ធព្រមាន "J-Alert" របស់ប្រទេសជប៉ុន បាន​បញ្ជាក់​ដោយ​ភ័ន្តច្រឡំ​ថាមីស៊ីល នឹងធ្លាក់នៅជិតតំបន់នោះ។

អ្នកនាំពាក្យរដ្ឋាភិបាលលោក​ Hirokazu Matsuno បានប្រាប់អ្នកយកព័ត៌មាន​នៅទីក្រុងតូក្យូ​នៅ​ថ្ងៃព្រហស្បតិ៍ថា ​ការព្រមានត្រូវបានដកចេញវិញ បន្ទាប់ពីការវិភាគបន្ថែមបាន​រកឃើញថា​គ្រាប់មីស៊ីលនោះ​ ពុំបានធ្លាក់នៅក្នុងដែនដីរបស់ប្រទេសជប៉ុននោះទេ៕