ក្រុមមន្ត្រីបាននិយាយថា កងកម្លាំងទ័ពអាកាសរបស់កូរ៉េខាងត្បូង បានធ្វើសមយុទ្ធចាក់សាំង​លើ​អាកាស កាលពីថ្ងៃពុធ (១២ មេសា) ចំពេលមានភាពតានតឹងកាន់តែខ្លាំងឡើងនៅឧបទ្វីបកូរ៉េ។

នៅក្នុងខ្សែវីដេអូដែលចេញផ្សាយដោយកងទ័ពអាកាសបង្ហាញថា សើទែនដឹកប្រេងតាមអាកាស KC-330 បានចាក់សាំងអោយយន្តហោះចម្បាំងជាច្រើនគ្រឿង ​ខណៈកំពុងហោះហើរក្នុងល្បឿន ៥៣០ គីឡូម៉ែត្រក្នុងមួយម៉ោង (៣២៩ ម៉ាយក្នុងមួយម៉ោង)។

កងកម្លាំងអាកាស បាននិយាយថា សើទែនដឹកប្រេងតាមអាកាស KC-330 អាចចាក់សាំងបំពេញ​យន្តហោះចម្បាំង F-35Aរហូតដល់១៥គ្រឿងក្នុងមួយលើកៗ​ ដែលអាចឱ្យយន្តហោះទាំងនោះ ហោះហើរបានរយៈពេលមួយម៉ោងបន្ថែមទៀត។

កូរ៉េខាងជើងបាន និងកំពុងបញ្ចេញប្រតិកម្មទាំងកំហឺងចំពោះសមយុទ្ធយោធារួមគ្នានាពេលថ្មីៗ​នេះ​រវាងកូរ៉េខាងត្បូង ​និងសម្ព័ន្ធមិត្ត ដែលក្នុងនោះ ទីក្រុងព្យុងយ៉ាងបានឆ្លើយតបដោយបង្កើនការ​សាកល្បង​អាវុធ​របស់ខ្លួនក្នុងរយៈពេលប៉ុន្មានខែថ្មីៗនេះ។ នៅព្រឹកថ្ងៃព្រហស្បតិ៍នេះ (១៣ មេសា) កូរ៉េខាងជើង​បានបាញ់មីស៊ីលបាលិស្ទិកគំរូថ្មីមួយ។