តុលាការឧទ្ធរណ៍របស់ទីក្រុងវ៉ាស៊ីនតោន DC កាលពីថ្ងៃព្រហស្បតិ៍ បានបដិសេធមិនការពារលោក Donald Trump ពីបណ្តឹងទីក្រុងនៃបណ្តឹងបរិហារកេរ្តិ៍រដ្ឋប្បវេណីចំនួនពីរករណីធ្វើឡើងដោយលោកស្រី E Jean Carroll ជាអ្នកនិពន្ធដែល និយាយថាអតីតប្រធានាធិបតីអាមេរិកបានរំលោភនាងរយៈពេលជិតបីទសវត្សរ៍មកហើយ។ តុលាការជាន់ខ្ពស់ក្នុងតំបន់ ជាតុលាការឧទ្ធរណ៍បាននិយាយថា វាពុំមានការពិតគ្រប់គ្រាន់ដើម្បីសម្រេចថាតើលោក Trump សមនឹងទទួលបានអភ័យឯកសិទ្ធិដែរឬទេ បន្ទាប់ពីលោកបានចោទប្រកាន់អតីតអ្នកសរសេរបទអត្ថាធិប្បាយទស្សនាវដ្តី Elle កាលពីខែមិថុនា ឆ្នាំ ២០១៩ ពីបទនិយាយកុហកអំពីការជួបប្រាស្រ័យគ្នាតាមដែលបានចោទប្រកាន់នោះ។ 

សេចក្តីសម្រេចដែលថាលោក Trump មានតួនាទីជាប្រធានាធិបតី និងមិនស្ថិតក្នុងសមត្ថភាពផ្ទាល់ខ្លួនរបស់លោកនឹងមានអភ័យឯកសិទ្ធិ នឹងបញ្ចប់បណ្តឹងដំបូងរបស់នាង Carroll ដោយសារតែរដ្ឋាភិបាលអាចជំនួសខ្លួនឯងជាចុងចោទ ហើយរដ្ឋាភិបាលមិនអាចត្រូវបានប្តឹងពីបទបរិហាកេរ្តិ៍នោះទេ។

តុលាការបានបញ្ជូនសំណុំរឿងនេះត្រឡប់ទៅតុលាការឧទ្ធរណ៍ទី២ របស់សហរដ្ឋអាមេរិកនៅទីក្រុង Manhattan ដែលកាលពីខែកញ្ញាឆ្នាំមុន បានស្នើសុំឱ្យតុលាការទីក្រុងវ៉ាស៊ីនតោន មានការណែនាំអំពីច្បាប់ក្នុងតំបន់។ 

មេធាវីរបស់លោកស្រី Carroll ពុំមានការអត្ថាធិប្បាយភ្លាមៗទេ។ លោក Alina Habba មេធាវីរបស់លោក Trump បាននិយាយនៅក្នុងសារអេឡិចត្រូនិកថា យើងមានទំនុកចិត្តថាតុលាការឧទ្ធរណ៍ទី២ នឹងចេញសេចក្តីសម្រេចក្នុងការគាំទ្រលោកប្រធានាធិបតី Trump និងច្រានចោលករណីរបស់លោកស្រី Carroll។

សេចក្តីសម្រេចកាលពីថ្ងៃព្រហស្បតិ៍ មិនប៉ះពាល់ដល់បណ្តឹងទីពីររបស់ស្រី Carroll ដែលការកាត់ក្តីនៅថ្ងៃទី ២៥ ខែមេសា នឹងត្រូវបានកំណត់ពេលនៅក្នុងតុលាការសហព័ន្ធទីក្រុង Manhattan ។