អតីតប្រធានាធិបតីសហរដ្ឋអាមេរិក លោក Donald Trump បាននិយាយថា ការបាញ់​ប្រហារ​ទ្រង់ទ្រាយធំនៅសហរដ្ឋអាមេរិក មិនមែនបណ្តាលមកពីចំនួន​អាវុធដែលមាននោះទេ ប៉ុន្តែវាដោយ​សារតែបញ្ហាសុខភាពផ្លូវចិត្ត សង្គម វប្បធម៌ និងអារម្មណ៍។

ថ្លែងក្នុងវេទិកាសមាគមអាវុធជាតិ(NRA)នៅរដ្ឋ Indianapolis លោក Trumpអះអាងថា សហរដ្ឋអាមេរិកមានអាវុធដល់កម្រិតអស់រយៈពេលជាច្រើន​សត វត្សរ៍​មកហើយៗពុំដែលឮគេនិយាយពីការសម្លាប់រង្គាលសិស្សសាលានោះទេ រហូតដល់ឆ្នាំ ២០០០

ពាក់ព័ន្ធនឹងករណីបាញ់ប្រហារនៅសាលារៀនក្នុងទីក្រុង Nashville កាលពីថ្ងៃទី ២៦ ខែមីនា ដែលបានសម្លាប់ក្មេង ៣នាក់ និងមនុស្សចាស់ ៣នាក់ លោក Trumpនិយាយថា វិធានការស្នើសុំ​សម្រាប់ការគ្រប់គ្រងអាវុធនឹង គ្មានអ្វីអាចការពារការវាយប្រហារដោយ​បុគ្គល​ឆ្កួត និងពូកែរំខានបាននោះទេ ។

លោក Trumpដែល NRA គាំទ្រខ្លាំងនៅឆ្នាំ ២០១៦ មុនពេលលោកប្រកាសផ្លូវការជាបេក្ខជន​ប្រធានាធិបតីរបស់គណបក្សសាធារណរដ្ឋនោះ​ និយាយថា លោកនឹងជំរុញឲ្យមានឥណទានពន្ធថ្មី ដើម្បីចេញសងគ្រូបង្រៀន​ ដែលលាក់​ ឬកាន់អាវុធ ​និងការទទួលបានការហ្វឹកហាត់បាញ់អាវុធ ។

សូមបញ្ជាក់ថា កិច្ចប្រជុំរបស់ NRA បានធ្វើឡើងចំពេលសំខាន់នៃយុទ្ធនាការប្រធានាធិបតី​របស់​ក្រុមសាធារណរដ្ឋ ៕