បាតុកម្មបានផ្ទុះឡើងនៅក្នុងទីក្រុងប៉ារីស កាលពីថ្ងៃសុក្រ ក្រោយក្រុមប្រឹក្សារដ្ឋធម្មនុញ្ញបារាំង បើកភ្លើងខៀវដល់កំណែទម្រង់សោធននិវត្តន៍របស់លោកប្រធានាធិបតី Emmanuel Macron ។ កំណែទម្រង់នេះ នឹងដំឡើងអាយុចូលនិវត្តន៍ពី ៦២ឆ្នាំ ដល់ ៦៤ឆ្នាំ ហើយក្រុមមន្រ្តី សន្យាថា នឹងដាក់វាឲ្យចូលជាធរមាន​យ៉ាង​ឆាប់រហ័ស ​ការឯកភាពរបស់តុលាការក្រុមប្រឹក្សា​រដ្ឋ​ធម្មនុញ្ញ បានកើតមានឡើង ​បើទោះបីជាមានបាតុកម្ម​ និងកូដកម្មតាមដងផ្លូវអស់រយៈពេល​ជាច្រើនខែក៏ដោយ ។

ការស្ទង់មតិបង្ហាញថា ភាគច្រើននៃប្រជាពលរដ្ឋបារាំង ប្រឆាំងនឹងកំណែទម្រង់មួយនេះ ហើយនិងប្រឆាំងជាមួយរដ្ឋាភិបាលដែលបានជំរុញសេចក្តីស្នើច្បាប់ឲ្យឆ្លងកាត់សភាដោយពុំចាំបាច់មានការបោះឆ្នោតចុងក្រោយ ។

មេដឹកនាំក្រុមសហជីពដែលអំពាវនាវឲ្យលោក Macronកុំឲ្យត្រូវប្រកាសប្រើប្រាស់ច្បាប់នេះ និយាយថា អ្វីដែលលោកអាចនិយាយបាន គឺលោកមានការតក់ស្លុត ។​ វាគឺជាលទ្ធិប្រជាធិបតេយ្យ ហើយវាក៏មិនមែនជាលទ្ធិប្រជាធិបតេយ្យនោះដែរ ។ លោក Macronបាននិយាយថា ពលរដ្ឋបារាំង ត្រូវតែធ្វើការយូរជាងនេះ ​ឬថវិកាសោធននិវត្តន៍រាប់ពាន់លានអឺរ៉ូ នឹងធ្លាក់ក្នុងបំណុល នៅដំណាច់ទសវត្សរ៍នេះ ។

ក្រុមសហជីពនិយាយថា ប្រាក់អាចរកបានកន្លែងផ្សេងទៀត រួមទាំងការយកពន្ធពីអ្នកមាន​បន្ថែមទៀត ៕