ភ្នំពេញ៖ រយៈពេល ២ថ្ងៃ គឺនៅថ្ងៃទី១៤-១៥ ខែមេសា ឆ្នាំ២០២៣ នៃបុណ្យចូលឆ្នាំថ្មី ប្រពៃណីជាតិខ្មែរ គ្រោះថ្នាក់ចរាចរណ៍នៅទូទាំងប្រទេសបានកើតឡើង ២៦លើក បណ្តាលឲ្យមនុស្សស្លាប់ ៩នាក់ និងរបួសធ្ងន់ស្រាលចំនួន ៦០នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ។

របាយការណ៍របស់អគ្គស្នងការដ្ឋាននគរបាលជាតិបានឲ្យដឹងថា ថ្ងៃទី១៤ ខែមេសា ឆ្នាំ២០២៣ ដែលជាថ្ងៃទី១ នៃពិធីបុណ្យចូលឆ្នាំថ្មីប្រពៃណីខ្មែរ គ្រោះថ្នាក់ចរាចរណ៍បាន កើតឡើងចំនួន ៦លើក បានបណ្តាលឲ្យមានអ្នកស្លាប់ចំនួន ២នាក់ និងរបួសចំនួន ១២នាក់ ដោយក្នុងនោះរបួសស្រាលចំនួន ៦នាក់ និងធ្ងន់ចំនួន ៦នាក់។

នៅថ្ងៃទី២ នៃពិធីបុណ្យចូលឆ្នាំខ្មែរ ត្រូវនឹងថ្ងៃទី១៥ មេសា ឆ្នាំ២០២៣ គ្រោះថ្នាក់ចរាចរណ៍ទូទាំងប្រទេស​កើត​

ឡើងចំនួន​ ២០លើក បណ្តាលឲ្យមនុស្សស្លាប់ចំនួន ៧នាក់ និងរបួសធ្ងន់ស្រាលចំនួន ៤៨នាក់ (ធ្ងន់ ៣១នាក់ , ស្រាល ១៧នាក់) ។