សៀមរាប៖ ដោយមើលឃើញពីតម្រូវការនៃការប្រើប្រាស់អ៊ីនធឺណិតរបស់ភ្ញៀវទេសចរជាតិ និងអន្តរជាតិ នៅខេត្តសៀមរាប និងការសាទរពីសាធារណជន ចំពោះ WiFi សាធារណៈ ក្រសួងប្រៃសណីយ៍ និងទូរគមនាគមន៍ សហការជាមួយសហភាពសហព័ន្ធយុវជនកម្ពុជា បន្តផ្តល់​ជូនការ​ប្រើប្រាស់សេវាអ៊ីនធឺណិតល្បឿនលឿន ដោយឥតគិតថ្លៃ ក្រោយព្រឹត្តការណ៍អង្គរសង្ក្រាន្ត បានបញ្ចប់ដោយជោគជ័យ ។

បើតាមការបង្ហោះរបស់ក្រសួង នៅលើឆានែលតេឡេក្រាម នៅរសៀលថ្ងៃទី១៧ ខែមេសានេះ គឺភ្ញៀវទេសចរជាតិ ​និងអន្តរជាតិ អាចស្វែងរកទីតាំង ​WiFi សាធារណៈ ​ទាំង១៦ទីតាំង តាមតំណភ្ជាប់ ​ឬស្កេន QR Code នៅតាមទីតាំងជាក់ស្តែង ​ដែលបានកំណត់ ។

(តំណភ្ជាប់ទីតាំង WiFi សាធារណៈ) (https://mptc.gov.kh/public-wifi) Wi-Fi សាធារណៈ គឺជាគំនិតផ្តួចផ្តើមរបស់ក្រសួងប្រៃសណីយ៍ ​និងទូរគមនាគមន៍ ដែលផ្តល់​ជូនដោយឥតគិតថ្លៃ និងអាចប្រើប្រាស់នៅតាមទីកន្លែងសាធារណៈ ដូចជា​ តំបន់អង្គរ តំបន់ផ្សាររាត្រី ​និងទីប្រជុំជនផ្សេងទៀត​ នៅក្នុងព្រឹត្តិការណ៍អង្គរសង្ក្រាន្ត ​២០២៣ នេះ ។ លោកអ្នកអាចរីករាយជាមួយនឹងអ៊ីនធឺណិត ដែលមានសេវាគ្រប់គ្រាន់ និងល្បឿនលឿន ។