សកម្មជនប្រជាធិបតេយ្យដ៏លេចធ្លោបំផុតម្នាក់ ក្នុងទីក្រុងហុងកុង ក្នុងរយៈពេលប៉ុន្មានឆ្នាំចុងក្រោយនេះ លោក Joshua Wong ត្រូវបានកាត់ទោសនៅថ្ងៃចន្ទ (១៧ មេសា) នេះ ឱ្យជាប់ពន្ធនាគាររយៈពេល៣ខែ ជុំវិញការបំពានព័ត៌មានផ្នែកសន្តិសុខពាក់ព័ន្ធនឹងមន្ត្រីនគរបាល នេះបើយោងតាមការបង្ហោះនៅលើគណនីហ្វេសប៊ុករបស់លោក Wong។

យុវជនវ័យ២៦ឆ្នាំរូបនេះ បានធ្វើសកម្មភាពដ៏លេចធ្លោជាច្រើន នៅក្នុងឆ្នាំ ២០១៤ នៅពេលនោះជាយុវជនភ្នែកបួន បានបង្ហាញខ្លួនក្នុងនាមជាមេដឹកនាំនៃការតវ៉ាលទ្ធិប្រជាធិបតេយ្យដឹកនាំដោយនិស្សិត ដែលដងផ្លូវនានា ស្ថិតនៅក្នុងចំណុចកណ្ដាលមជ្ឈមណ្ឌលហិរញ្ញវត្ថុ ត្រូវបានបិទអស់រយៈពេល៧៩ ថ្ងៃ។

ក្នុងសេចក្តីសម្រេចនៅថ្ងៃច័ន្ទនេះ រូបគេ ត្រូវបានកាត់ទោសពីបទរំលោភលើបម្រាមរបស់តុលាការ ក្នុងការបង្ហាញព័ត៌មានផ្ទាល់ខ្លួនមន្ត្រីនគរបាល ដែលបានបើកការបាញ់ប្រហារក្នុងការតវ៉ាមួយ ក្នុងឆ្នាំ ២០១៩ នេះបើយោងតាមខ្លឹមសារដែលបានបង្ហោះ។ សាក្សីក្នុងតុលាការ បាននិយាយថា លោក Wong បានចូលរួមក្នុងសវនាការ ប៉ុន្តែមិនបាននិយាយអ្វីឡើយ។

តុលាការមិនបានប្រកាសសាលក្រមជាលាយលក្ខណ៍អក្សរភ្លាមៗទេ ដោយគ្រាន់តែចេញសាលក្រមផ្ទាល់មាត់នៅថ្ងៃចន្ទនេះ។ មេធាវីរបស់លោក Wong មិនទាន់ទាក់សុំការអធិប្បាយបានភ្លាមៗទេ។