ខណៈជម្លោះនៅតាមសហគមន៍កើតចេញពីការបាញ់បោះដោយសេរីសម្លាប់រង្គាលកើតឡើងកាន់តែច្រើន រួមទាំងទីក្រុង Dadeville ក្នុងរដ្ឋ Alabama ជាទីដែលមនុស្ស៤នាក់បានស្លាប់ និង២៨នាក់រងរបួស នៅក្នុងពិធីខួបកំណើតមួយសំបូរដោយយុវវ័យអាយុ១៦ឆ្នាំចូលរួមឬហៅថា Sweet 16 birthday party កាលពីចុងសប្ដាហ៍នេះ មានភ័ស្តុតាងបង្ហាញថា ភាពធ្ងន់ធ្ងរនៃអំពើហិង្សាដោយអាវុធនៅសហរដ្ឋអាមេរិក កំពុងកើនឡើងខ្ពស់លើសុខភាពផ្លូវចិត្តរបស់ប្រទេសនេះ ។

ការស្រាវជ្រាវដែលបានចេញផ្សាយនៅឆ្នាំនេះបង្ហាញថា ផលប៉ះពាល់អវិជ្ជមានដែលថា​ការបាញ់​ប្រហារសម្លាប់មនុស្សរង្គាលអាចបណ្តាលមកពីសុខភាពផ្លូវចិត្ត អាចមានកម្រិត​លើសពីអ្នករស់រានមានជីវិត និងសហគមន៍ដែលរងផលប៉ះពាល់ដោយផ្ទាល់រហូត​ដល់ប្រជាជនទូទៅកាន់តែទូលំទូលាយ។

យោងតាមការសិក្សាដែលត្រូវបានគាំទ្រដោយមជ្ឈមណ្ឌលគ្រប់គ្រង និងទប់ស្កាត់ជំងឺឆ្លងសហរដ្ឋ​អាមេរិក​ក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីការបាញ់ប្រហារនៅសាលារៀនមួយក្នុងទីក្រុង Uvalde រដ្ឋ Texas កាលពីខែឧសភា ទំនោរវិបត្តិសុខភាពផ្លូវចិត្តបានកើនឡើងនៅក្នុងសារ​ទាំងឡាយដែលនិយាយសំដៅដល់អាវុធ និងករណីផ្សេងទៀត ពាក់ព័ន្ធការប្រើប្រាស់អាវុធ។

ទោះបីជាការសិក្សាមិនបានតាមដានទីតាំងជាក់លាក់នៃសារដែលចូលមកក៏ដោយ អង្ញភាព Crisis Text Line ជាអង្គការមិនស្វែងរកប្រាក់ចំណេញដែលផ្តល់អន្តរាគមន៍វិបត្តិជាសម្ងាត់ដោយឥតគិតថ្លៃ មានតួនាទីបម្រើប្រជាជនទូទាំងប្រទេស។

យោងតាមមជ្ឈមណ្ឌលតាមដានអំពើហិង្សាដោយអាវុធGun Violence Archiveការបាញ់ប្រហារ​សម្លាប់រង្គាលជាច្រើនបានកើនឡើងដល់កម្រិតខ្ពស់បំផុតនៅក្នុងសហរដ្ឋអាមេរិក ក្នុងនោះយ៉ាង​ហោចណាស់មានការបាញ់ប្រហារចំនួន១៦២ករណី ត្រូវបានរាយការណ៍រួចហើយ​នៅឆ្នាំ២០២៣នេះ។មានរយៈពេលតែមួយសប្ដាហ៍ប៉ុណ្ណោះ ចាប់តាំងពីការបាញ់ប្រហារសម្លាប់មនុស្សរង្គាលនៅធនាគារមួយក្នុងទីក្រុងល្វីស្វីល រដ្ឋខិតថាក់គី និងមានមានជាង១០ករណីចាប់តាំងពីពេលនោះមក៕