នគរបាលបាននិយាយកាលពីថ្ងៃអាទិត្យថា ក្មេងជំទង់ម្នាក់នៅរដ្ឋ Missouri ត្រូវបានម្ចាស់ផ្ទះបាញ់ឲ្យរងរបួស បន្ទាប់ពីក្មេងប្រុសនេះចូលច្រឡំផ្ទះ ដើម្បីទៅទទួលបងប្អូនបង្កើតរបស់គេ។

យោងតាមមេធាវី របស់គ្រួសារ និងនគរបាល បានឲ្យដឹងថា ក្មេងប្រុសឈ្មោះ Ralph Yarl ជនជាតិ​ស្បែកខ្មៅអាយុ ១៦ ឆ្នាំកំពុងសម្រាកព្យាបាលនៅមន្ទីរពេទ្យរងរបួសដោយ​គ្រាប់កាំភ្លើងចំក្បាល​និងដៃ បន្ទាប់ពីក្មេងប្រុសរូបនេះបានដួលទៅលើដី នៅលំនៅឋានដែលចូលខុស ។

បាតុកររាប់រយនាក់កាលពីថ្ងៃអាទិត្យ បានធ្វើបាតុកម្មទៅកាន់លំនៅឋានដែល Yarl ត្រូវបានគេបាញ់ដោយស្រែកថា «បញ្ហាជីវិតរស់នៅរបស់ជនជាតិស្បែកខ្មៅ» នៅក្នុងរដ្ឋជាទីដែល​ច្បាប់ស្តីពីសិទ្ធិស្វ័យការពារ អនុញ្ញាតឱ្យម្ចាស់ផ្ទះប្រើកម្លាំងកាយ​ដើម្បីការពារខ្លួន​មកលើអ្នកបំពាន​ដែលសង្ស័យ។

ឪពុកម្តាយរបស់ក្មេងជំទង់រូបនេះ បានប្រើឲ្យគេ ទៅយកបងប្អូនភ្លោះរបស់ខ្លួននៅអាស័យដ្ឋានមួយ​លេខ 115th Terrace ក្នុងទីក្រុង Kansas ប៉ុន្តែគេបានច្រឡំទៅកាន់លំនៅឋានមួយផ្លូវលេខ115 ជាកន្លែងដែលរូបគេត្រូវបានគេបាញ់ប្រហារ។

មេធាវីសម្រាប់ក្រុមគ្រួសាររបស់ក្មេង​ប្រុស​រងគ្រោះ នៅក្នុងសេចក្តីថ្លែងការណ៍បាននិយាយថា Yarl ត្រូវបានបាញ់ដោយបុរសស្បែកសម្នាក់ ហើយបានទាមទារឱ្យមានចំណាត់ការយ៉ាងរហ័ស​ពីរដ្ឋអាជ្ញានិងតំបន់ Clay County និងការអនុវត្តន៍ច្បាប់ដើម្បីកំណត់អត្តសញ្ញាណ ចាប់ខ្លួន និង​កាត់ទោស​តាមច្បាប់ ចំពោះបុរសដែលទទួលខុសត្រូវចំពោះរឿងដ៏គួរភ័យខ្លាចនេះ និងការបាញ់ប្រហារដោយមិនសមហេតុផល។

បុរសម្នាក់នៅទីក្រុង Kansas ត្រូវបានចោទប្រកាន់ពីបទឧក្រិដ្ឋកម្មពីរករណីកាលពីថ្ងៃចន្ទ ក្នុង​ករណីបាញ់ក្មេងជំទង់ស្បែកខ្មៅម្នាក់ដែលចូលច្រឡំផ្ទះខណៈទៅទទួលបងប្អូនភ្លោះរបស់គេ។ ការិយាល័យរដ្ឋអាជ្ញាតំបន់ Clay County បានចោទប្រកាន់លោក Andrew Lester អាយុ ៨៥ ឆ្នាំដោយការវាយប្រហារកម្រិតទី ១ និងសកម្មភាពឧក្រិដ្ឋកម្មប្រដាប់​អាវុធសម្រាប់ការបាញ់ក្មេង​ជំទង់ឈ្មោះ Ralph Yarl អាយុ ១៦ ឆ្នាំនៅជណ្តើរផ្ទះជាយក្រុងរបស់លោកនៅម៉ោងប្រហែល ១០ យប់ ម៉ោងក្នុងតំបន់។