ក្រុមដែលកំពុងប្រយុទ្ធនៅស៊ូដង់ទាំងពីរក្រុម បានអះអាងថា មានសន្ទុះរុលទៅមុខ កាលពីថ្ងៃចន្ទ ខណៈអំពើហិង្សានៅតែបន្តកាត់ផ្តាច់ចរន្តអគ្គិសនី និងទឹកនៅក្នុងរដ្ឋធានី ហើយបេសកជនអង្គការសហប្រជាជាតិប្រចាំប្រទេសស៊ូដង់ បាននិយាយថា ភាគីទាំងពីរពុំមានសញ្ញានៃឆន្ទៈចរចានោះទេ។

បេសកជនអង្គការសហប្រជាជាតិ លោក Volker Perthes បាននិយាយថា ការបែកបាក់គ្នារវាងកងទ័ព និងកងកម្លាំងគាំទ្ររហ័សយោធាប៉ារ៉ា(RSF) បណ្តាលឲ្យមនុស្សយ៉ាងហោចណាស់ ១៨៥ នាក់ស្លាប់ និងជាង ១.៨០០នាក់រងរបួស ក្នុងពេលមានការវាយប្រហារតាមអាកាស និងការប្រយុទ្ធគ្នានៅទីក្រុង Khartoum និងជម្លោះនៅទូទាំងប្រទេសស៊ូដង់។ ការតស៊ូដណ្តើមអំណាចដ៏គ្រោះថ្នាក់នេះ បានរារាំងការផ្លាស់ប្តូរទៅរកការគ្រប់គ្រងបែបស៊ីវិល និងបង្កើនការព្រួយបារម្ភនៃជម្លោះកាន់តែធំ។

ផ្សែងហុយពេញរដ្ឋធានី ហើយពលរដ្ឋបានរាយការណ៍ពីការស្រែកប្រឆាំងចំពោះ​ការវាយប្រហារ​តាមអាកាស ការបាញ់កាំភ្លើងធំ និងការបាញ់ប្រហារ ដែលបានបិទមន្ទីរ​ពេទ្យក្នុងទីក្រុងដែលមិន​ធ្លាប់​មានអំពើហិង្សា។

លោក Perthes បានប្រាប់អ្នកសារព័ត៌មានតាមបណ្តាញវីដេអូពីទីក្រុង Khartoum ថា ភាគីទាំងពីរ​ដែល​កំពុងប្រយុទ្ធគ្នា មិនបានចាប់អារម្មណ៍ថាពួកគេចង់បានការសម្របសម្រួល​សម្រាប់សន្តិភាពរវាងពួកគេភ្លាមៗនោះទេ។

លោកនិយាយថា ភាគីទាំងពីរបានព្រមព្រៀងលើបទឈប់បាញ់សម្រាប់មនុស្សធម៌​រយៈពេលបីម៉ោង។ ប៉ុន្តែសម្រាប់ថ្ងៃទីពីរជាប់គ្នាការប្រយុទ្ធបានបន្ត ទោះបីជាមានការសន្យាស្ងប់ស្ងាត់ក៏ដោយ។

អគ្គមេបញ្ជាការកងទ័ពលោក Abdel Fattah al-Burhan ដឹកនាំក្រុមប្រឹក្សាដែលកំពុងកាន់អំណាច ត្រូវបានតែតាំងបន្ទាប់ពីរដ្ឋប្រហារឆ្នាំ ២០២១ និងការបណ្តេញចេញមេដឹកនាំជើងចាស់ លោក Omar Bashir ក្នុងឆ្នាំ ២០១៩ អំឡុងពេលបាតុកម្មទ្រង់ទ្រាយធំ។

មេដឹកនាំកម្លាំងគាំទ្ររហ័ស(RSF) ឧត្តមសេនីយ៍ Mohamed Hamdan Dagalo ត្រូវបានគេស្គាល់ថា Hemedti គឺជាមេបញ្ជាការរងរបស់លោក។ ក្រោមផែនការអន្តរកាលដែលគាំទ្រដោយអន្តរជាតិ កងកម្លាំងគាំរហ័ស(RSF) ត្រូវកំណត់ភ្លាមៗដើម្បីបញ្ចូលគ្នាជាមួយកងទ័ព។ លោក Burhan កាលពីថ្ងៃចន្ទបានចាត់ទុកកងកម្លាំង RSF ថាជាក្រុមឧទ្ទាម ហើយបានបញ្ជាឱ្យរំលាយចោល ខណៈភាគីទាំងពីរបាន ចោទប្រកាន់គ្នាទៅវិញទៅមកដោយគ្មានចំណុចបញ្ចប់។