បណ្តារដ្ឋមន្រ្តីការបរទេសមកពីក្រុមប្រទេសមានឧស្សាហកម្មលូតលាស់ទាំង៧ឬ G7 បានជួបជុំគ្នាសម្រាប់ថ្ងៃទី ៣ ដើម្បីបិទបញ្ចប់កិច្ចប្រជុំនៅទីក្រុង Karuizawa ប្រទេសជប៉ុន នៅថ្ងៃអង្គារនេះ ។

បណ្តារដ្ឋមន្រ្តី បានជួបជុំគ្នានៅទីក្រុងទេសចរណ៍មួយនេះ សម្រាប់ជំនួបរយៈពេល ៣ថ្ងៃ ដែលក្រុមមន្រ្តី និយាយថា នឹងបញ្ចូលកិច្ចពិភាក្សាលើប្រធានបិទសំខាន់ៗជាច្រើន រួមទាំង​តម្រូវ​ការសម្រាប់វិធីសាស្រ្តរួបរួមលើបញ្ហាសង្រ្គាមអ៊ុយក្រែន ​បញ្ហារបស់ចិន និងក្តីកង្វល់ពីកោះតៃវ៉ាន់ ។

ដោយឡែក​ រដ្ឋមន្រ្តីការបរទេសជប៉ុន លោក Yoshimasa Hayashi និងរដ្ឋមន្រ្តីការបរទេស​សហរដ្ឋ​អាមេរិក លោក Antony Blinken នឹងថ្លែង​ទៅកាន់សារព័ត៌មានដាច់​ដោយឡែកពីគ្នា ក្រោយជំនួបបញ្ចប់ ៕